HeKo 483 3-C, 30 maj 11
Cenotafo honore al Edmond Privat estas proponita por la Esperanta Panteono. Laŭ Lex Bertilia, la ceremonio okazos 14 aprilo 2012, en ĉeesto de familianoj. Edmond Privat forpasis en aŭgusto 1962, do antaŭ kvindek jaroj.
Liverante hodiaŭ al la presejo la numeron 2172 (6:2011), kiu kovras la eventojn ĝis mezo de majo, la redakcio praktike nuligis la malfruon de “Heroldo de Esperanto”, kies ĉefredaktora posteno vakas jam de kvin monatoj. La sekva numero fakte devus aperi post du semajnoj, laŭ regula ritmo.
HeKo 482 9-C, 27 maj 11
La Konsulo de la Esperanta Civito komunikas la liston de la kandidatoj al la Kortumo, por la mandato marto 2012-marto 2014. Ili estas entute ses por la tri postenoj en la arbitracia instanco:
c-ino Banet-Fornalowa Zofia, historiografo, edukita pole, eliranta vickortumano;
c-ano Enderby Kep, eksa justicministro de Aŭstralio, edukita angle, eliranta kortumano;
Sub la ĉefredakto de sen. Perla Martinelli akurate aperis la 26a numero de “Femina” (somero 2011), organo de Feminisma Esperanta Movado, faka asocio aliĝinta al la Pakto por la Esperanta Civito.
La projekto “Esperanto-aktuale” de E @I naskiĝis el la litovlingva paĝaro pri esperanto “Esperanto mozaika”. La sukceso de tiu paĝaro donis la inspiron havi similan en multaj lingvoj: informriĉa retpaĝaro, logonta vizitantojn el publiko kiu interesiĝas pri esperanto kaj lingvoj ĝenerale.
La dua Simpozio pri Homaranismo, organizata de Scienca Instituto Zamenhof sub la prezido de c-ano Francisko Degoul, kunvenigos en Ĉaŭdefono plurajn eminentajn zamenhofologojn, kune kun interesiĝantoj pri la zamenhofaj ideoj pri religio, 15-20 aŭgusto 2011.
Neniu esperanto-organizo (al la Esperanta Civito li tamen ne skribis) priatentas la informon de s-ro Tobias Meissner el Germanio.
Li malkovris internacian konkurson por trovi simbolon por la homaj rajtoj: limdato je 31 julio 2011. Inter la organizantoj de la konkurso estas la prestiĝa UDK (ŝtata universitato de artoj) en Berlino.
Iom post iom profiliĝas kvante la kongresaj partoprenantaroj en 2011. La ĵus okazinta Internacia Fervojista Esperanto-Kongreso en Liberec (Ĉeĥio) arigis 173 personojn el 15 landoj. Pasintjare en Sofio ili estis 136 el 18 landoj.
HeKo 482 3-C, 22 maj 11
La proponoj de leĝo pri la tempobanko kaj de direktivo pri la sciencaj institutoj estas en la tagordoj de la Senato, respektive de la Forumo, dum la parlamenta sesio en Milano, 3 junio 2011.
Nek en Balkanio islama kaj trivita de korupto (kiel Albanio), nek en la plej damaĝitaj de la populismo (kiel Italio), nek en la baraktantaj en la ŝulda abismo (kiel Grekio, Irlando aŭ Portugalio), sed en Hispanio, en la Hispanio kun maldekstra registaro, krevis la kontaĝo de la jasmena revolucio en Eŭropo.
La Kabinda Respubliko elektis Kulturan Centron Esperantistan kiel sidejon por sia unua kurso por la formado de kadroj, okazonta ĉi-somere. La elekton motivis la tre bonaj kondiĉoj de la ĵus renovigita terasa etaĝo en la Esperanto-Domo, kiu fakte estas pli kaj pli ofte luata de eksteruloj por kunvenoj, festoj, ktp.
