Heroldo Komunikas | Heroldo Komunikas

Civita censotago 2006

HeKo 316 8-C, 30 nov 06

La 30a de novembro 2006 estas la unua efektiva censotago en la historio de la Esperanta Civito. En 2001 fakte ekzistis nur provizora registro, bazita sur la tuta membraro respektive abonantaro de la paktintaj establoj; sed neniu ricevis jam la esperantan civitanecon.

La Esperanta PEN por la Pac-Komitato

HeKo 316 7-B, 29 nov 06

La Slovena PEN-Centro alvokas al sia Internacia Konferenco, en Bledo, 28 marto — 1 aprilo 2007. La temo de la unua ronda tablo estos: “Minacataj lingvoj – malaperantaj kulturoj”; la dua ronda tablo traktos pri “Legado kiel socia evento”; dum la Pac-Komitato de PEN Internacia diskutos pri “La post-totalisma rezistado”.

Piede de la Blanka Monto la Naturamika Semajno

HeKo 316 6-B, 28 nov 06

La Naturamika Semajno de Kultura Centro Esperantista estas la unusola ĉiujara naturamika kaj ekologia aranĝo en esperanto, kun internacia (eĉ interkontinenta) karaktero. Ĝin gvidas tre kompetente c-ano Francisko Degoul, agnoskita alpa gvidisto.

En Burundio la dua Afrika Esperantologia Semajno

HeKo 316 5-B, 27 nov 06

Je la Zamenhofa Tago estos fermita la listo de kandidatiĝoj por la dua Afrika Esperantologia Semajno, kiu disvolviĝos en la ĉefurbo de Burundio, 27 (aŭ 28) decembro 2007 — 3 (aŭ 4) januaro 2008. La programo estas la sama kiel por la unua AfrES en Lomeo, kaj la kursgvidanto estos prof. Giorgio Silfer. Post la indikita limdato okazos la selektado de la kandidatoj.

1906 kaj la sekvo: Degoul prelegis ĉe KCE

HeKo 316 4-B, 26 nov 06

La zamenhofologia semajnﬁno de Kultura Centro Esperantista estas tradicia novembra renkonto en Ĉaŭdefono, kiu ĉi-jare okupiĝis pri la ĉeftemo “1906 kaj la sekvo”, sub la gvido de Francisko Degoul, prezidanto de Scienca Instituto Zamenhof.

Esearo honore al Fabrizio Pennacchietti

HeKo 316 3-A, 25 nov 06

“Loquentes Linguis. Studi linguistici e orientali in onore di Fabrizio A. Pennacchietti” estas la gratula verko redaktita de P.G. Borbone, A. Mengozzi e M. Tosco, ĵus aperinta en Wiesbaden ĉe Harrassowitz.

Heroldo pri Esperantio en novembro

HeKo 316 2-B, 24 nov 06

La numero 2096 de “Heroldo de Esperanto”, 15a en la jarkolekto, ĵus aperis. Ĝi kovras la kronikon de Esperantio dum la unuaj tri semajnoj de novembro, kiam du gravaj novaĵoj retenis la atenton: la fermo de la esperanto-redakcio ĉe Pola Radio kaj la ĉeesto de nia lingvo en la internacia konferenco pri lingvotestado en Soﬁo.

Subbalotejo en Burundio por la senataj elektoj

HeKo 316 1-C, 23 nov 06

Per dekreto de la Vickonsulo pri internaj aferoj, c-ano Ljubomir Trifonĉovski, estis starigita aparta subbalotejo en Burundio, ĉe la paktinta establo SIPU en urbo Buĵumburo.

La Konsulo nomumas du lastajn LK-anojn

HeKo 315 9-C, 22 nov 06

La Konsulo de la Esperanta Civito, prof. d-ro hab. Walter Zelazny, nomumis du lastajn Lingvajn Komitatanojn. Temas pri c-anoj Aleksander Melnikov kaj Imre Szabó. C-ano Melnikov doktoriĝis pri interlingvistiko kaj c-ano Szabó, akademia fakulo, responsas pri la esperanto-ekzamenaro ĉe la institucio deputita pri lingvotestado en Hungario.

La dua jarkolekto de "Femina" estas kompleta

HeKo 315 8-B, 19 nov 06

La vintra numero de “Femina”, socikultura revuo ne nur por virinoj, ĵus venis kompletigi la kolekton 2006. Post Afriko, Latin-Ameriko, Oriento, la fokuso situas en kaj ekster Eŭropo. La enhavo fakte zigzagas tra kaj maltra la kontinento kie naskiĝis nia lingvo.

Belka Beleva: jen miaj preferataj aŭtoroj

HeKo 315 7-A, 18 nov 06

En 1958 naskiĝis Bulgara Esperanto-Teatro, certe la plej longa sperto de profesia ensemblo en nia dramaturgio. El la unua generacio vivas ankoraŭ nur Belka Beleva, la plej fama aktorino: baldaŭ 80-jara, shi estas tre vigla. Sian biograﬁon ŝi estas verkanta, kompletige al la unua libro pri la arĝenta jubileo de BET.

Kandidatoj por "La Verko de la Jaro 2006"

HeKo 315 6-B, 17 nov 06

Estas ses la titoloj kiuj kandidatos al la Esperanta PEN-Premio “La Verko de la Jaro 2006”, rezervita al la originala prozo, eldonita en 2005-2006. Ili ricevis la necesan subtenon de minimume tri PEN-anoj, kaj estos nun submetitaj al la referendumo de la abonantaro de “Literatura Foiro”. Temas pri la libroj:

“Amaro” de Sten Johansson, eld. Fonto.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.