Kultura Esperanto-Festivalo, iniciatita de svedaj junuloj en 1986, unuafoje okazis en Upsalo sub la kunordigo de Leif Nordenstorm (tiama ĉefredaktoro de “Kontakto”). Ĝi disvolviĝis kvar fojojn en Svedio, tri fojojn en Danlando, du fojojn en Finnlando. Ĉu ĝi resurektos en Svislando dum somero 2022?
“Mi kredas ke krevas la esperanto-balono. Estas demando kiom da homoj lernos la lingvon, nur pro ĝia beleco, ĉu estas pliaj tiaj kialoj, per kiuj ni povus veki la interesiĝon de la lingvolernantoj” deklaris publike s-ino Pálma Csiszár, responsa pri lingvotestado en Origo, la oficiala diplomfabriko en Hungario.
La 125a datreveno de la fondo de la naturamika movado (kie membras Esperanta Naturamikaro) vidas la Naturamikan Internacion engaĝita sur pli ol unu fronto. Specife aktualaj estas la azilpolitika demando kaj la transformo de turismo.
La Pac-Komitato estas la sola en PEN Internacia kiu kuraĝis fizike kunveni dum la pandemio: en Bledo (Slovenio) 23-25 septembro 2020, kun la partopreno ankaŭ de la esperanto-literaturo, reprezentata de nia delegito Giorgio Silfer.
La presata oktobra numero (307) de “Literatura Foiro” proponas tiel buntan enhavon, ke necesis transloki la kolofonon al alia paĝo, por ke la indekso havu sufiĉan lokon: tioma ja estas la abundo da originala kaj traduka beletro, en la 64-paĝa revuo.
Kvankam naskite en iama SAT-medio, ekde la 1950aj Tutmonda Esperantista Junulara Organizo pli kaj pli asimilis la organizan kulturon de la Universala, kies sekcio TEJO daŭre estas. Grava parto de tiu kulturo estas formalismo: la gvidaj organoj uzas multe da tempo pro demandoj rilate al la proceduro; en TEJO, al tiuj ligitaj kun la tagordo aldoniĝas novaj, dependaj de psikologia faktoro.
HeKo 743 9-C, 16 sep 20
La delegoj pri socialaj aferoj, provizore atribuitaj al sen. Giorgio Silfer (vickonsulo pri financoj), ekde 1 oktobro 2020 estos atribuitaj al sen. Manuela Blanco, se la Senato ratifos la nomumon fare de la Konsulo, sen. Riichi Karibe. Li donis la anoncon hodiaŭ al la Kapitulo, dum la ordinara monata kunsido de la ekzekutiva povo.
HeKo 743 8-C, 14 sep 20
Postmorgaŭ la Kapitulo havos sian sesan kunsidon, sub la prezido de la Konsulo, sen. Riichi Karibe, edukita en la japana lingvo. En la tagordo reliefas la propono de dekreto pri la Civita stabo, kiu aplikas sisteme la normaron kaj metodon por la laborfortoj je konsorcia tavolo.
Pro degenera malsano hieraŭ mortis la 75-jara Zlatko Tišljar, kroato loĝanta (pli precize rifuĝinta) en Slovenio, patro de esperantista familio, iama motoro de Internacia Kultura Servo kaj poste sekretario de Eŭropa Esperanto-Unio. Lia vivo estas klare strekebla en du partoj, koincide kun la disfalo de la dua Jugoslavio, komence de la 1990aj.
Hodiaŭ la Vickonsulo, sen. Julio Herrero, kun delego pri kulturaj aferoj, kaj la vickonsulo pri financoj, sen. Giorgio Silfer, konsultiĝis kun la teamo de Studenta Esperanta Ligo, nome gec-anoj Manuela Blanco, Alessio Giordano kaj Abasi Nshimirimana.
Li komencis gajni premiojn en la Belartaj Konkursoj antaŭ pli ol duona jarcento, kaj ankoraŭ li trafas la unuan loton en originala poezio. Lia nomo estas Nicolino Rossi, aŭtoro de la poemaro “Sur la vivopado” (premio La Verko de la Jaro 1980), membro de la literatura rondo “La Patrolo” kaj eĉ ties gvidanto en la 1970aj, de ĉiam abonanto kaj kunlaboranto de “Literatura Foiro”.
La redakcio de “Literatura Foiro” havis hodiaŭ sian kunvenon, kun la partopreno de ĉiuj redaktoroj, sub la kunordigo de c-ino Perla Martinelli, ĉefredaktoro. La kunveno fermis la redakton de la oktobra numero (307), kiu iros al la presejo venontsemajne.
