La Nigra maro ne estas plu la sola sur kiu etendiĝas la ukrajna milito. Kvankam armeaj operacoj koncernas nur la sudajn bordojn, la Balta maro eniris jam la fokuson de la eventoj. La plej rimarkindaj estas la fino de la skandinava neŭtraleco, pro la NATO-aliĝpeto fare de Finnlando kaj Svedio, unuflanke; kaj la ekonomia sieĝo de orienta Prusio, aliflanke.

a junulara sekcio de UEA “organizas du seminariojn dum la Internacia Junulara Kongreso 2022 en Nederlando. Ili utilas por lerni ion interesan, plibonigi vivresumon kaj partopreni la kongreson preskaŭ senpage. Bedaŭrinde ni ricevis malmulte da aliĝoj [13 por 40 postenoj] kaj ni riskas devi nuligi unu de la seminarioj kaj tiel ne povi uzi la monon kiun ni ricevis [de eŭropaj institucioj]”.

Antaŭ kelkaj jaroj la Parlamento de Eŭropa Unio eldonis komikson por klarigi la funkciadon de la ĉefa instanco. Tio inspiris al la Kapitulo de la Esperanta Civito la ideon produkti similan albumon, nun distribuatan.

“En la Universitato de Amsterdamo ekzistas speciala posteno por ordinara profesoro pri interlingvistiko kaj esperantologio, ekde la 1990aj jaroj. Ties ekzisto estas garantiita ĝis la natura fino de la nuna mandato, t.e. la 1a de februaro 2024 eksklude. Tiam [prof.] Federico Gobbo estos la estro de la amsterdama katedro dum dek jaroj, t.e.

La Konsulo rekomendas al la Civitaj stabanoj dokumentiĝi pri la problemaro rilata al rifuĝantoj, ankaŭ prepare al ronda tablo dum NAKSE en Rozoj, 8 oktobro 2022, kiu debatos pri la koncerna strategio por Esperantio. Inter la invititoj al la ronda tablo estas d-ro Javier Alcalde, c-ano Giorgio Silfer kaj aliaj fakuloj pri migrofluoj.

Kia rilato inter la ekzekutiva povo kaj la paktintaj establoj en la Esperanta Civito? Tute alia ol inter estraroj kaj landaj asocioj aŭ sekcioj aŭ agadgrupoj en la tradicia movadaro. Celo de la Kapitulo estas progresigi la konsorcian karakteron de la Civito, provizante la paktintojn per servoj, teknologiaj rimedoj, homaj resursoj.

Kvin apartamentoj estas renovigotaj en Ĉaŭdefono (kvar de KCE, unu de LF-koop) dum la somerfino kaj fruaŭtuno 2022, zorge de la Civila Esperanta Servo, kadre de la respektivaj kontraktoj de domflegado kun Pro Esperanto (kiel regio). Konsekvence dum kelkaj semajnoj la Esperanto-Domo de KCE estos fermita por la publiko.

Esplora Instituto de Esperantologio estos inaŭgurita en aŭtuno 2023. Tiu estas la limdato kiun metis al si la teamo de Kultura Centro Esperantista, eklaborinta hodiaŭ sub la kunordigo de c-ino Lorena Bellotti. En la teamo aktivas gec-anoj Marie-France Conde Rey (katedro pri lingvodidaktiko), Alessio Giordano (katedro pri lingvistiko) kaj Giorgio Silfer (katedro pri literaturo).

En marto 2020 pli ol okcent personoj jam aliĝis la UKon en Montrealo, tiel ke oni povis anonci ke ĝi superos la pli fruan kanadan kongreson (en Vankuvero, 1983). Bedaŭrinde la dujara prokrasto pro la pandemio origininta el Popola Ĉinio kaŭzis drastan ŝrumpon de la kongresanaro: nur 552, el kiuj preskaŭ duono el la Amerikoj.

“La Elekta Komisiono de TEJO alvokas denove por kandidatoj al la sekva estraro, aparte al kandidatoj, kiuj identigas sin ne-vire. Ricevinte ok kandidatiĝojn ĝis la unua limdato, ni rimarkas signifan mankon de genra ekvilibro kaj ankaŭ mankon de interesitoj pri la fakoj Edukado, Scienco, Universitata Agado kaj Eksteraj Rilatoj.”

Se la historio de lingvistiko estus metafore sintezebla per la bildo de klepsidro, en la centra plej mallarĝa punkto, kie la sablo ŝutiĝas de la supra al la suba glaso, certe situus Ferdinand de Saussure. La tuta historio kondukas al li, kaj la tuta historio havos alian kurson, danke al lia “Kurso de ĝenerala lingvistiko.”

Per la hodiaŭa aprobo de la dua dekreto Karibe la Kapitulo perfektigis la normadon de la Civita stabo. La normado ekis en junio 2017 en Rigo per dekreto de la tiama Vickonsulo (elektitoj publike, nomumitoj diskrete por eviti burokration).