La jaro 2010a estis finance ekvilibra por Kooperativo de Literatura Foiro, esence ĉar la valoriĝo de la svisa franko super la bulgara levo kombiniĝis al la enkasigo de eŭroj ekster Svislando antaŭ ilia drasta devaloriĝo.
Laŭ antaŭvido formulita en HeKo, Universala Esperanto-Asocio nuligis sian kvaran Mez-Orientan Kunvenon, en Irano fine de marto. La anoncon donis Renato Corsetti, sekretario de la Komisiono pri Meza Oriento kaj Norda Afriko, tamen ankoraŭ ne tra oficiala UEA-kanalo (la retlistoj de UEA-Komitato aŭ pri landa agado, aŭ la asocia organo).
Ĉi-semajnfine Kultura Centro Esperantista gastigas prelegaron de prof. d-ro Carlo Minnaja pri la esperanta poezio. Li dediĉas la sabatan posttagmezon al Kolomano Kalocsay kaj la dimanĉan matenon al William Auld.
La eventoj en pluraj landoj kun islama civiliza fono, de Alĝerio al Libano ĉe la Mediteraneo, de Ĝibutio kaj Jemeno al la golfaj reĝolandoj ĝis Irano ĉe la Hinda Oceano, apenaŭ tuŝas la esperantlingvan diasporon, escepte de Irano.
La 1an de oktobro 2010 TIETo ĉesis esti paktinta establo de la Esperanta Civito. Kvankam la afero jam estas klara kaj akceptita ĉe la Civitaj instancoj, neniom pagis TIETo. [La Esperanta] Civito neniom petis de ĝi. Eble mi komprenu, ke temas pri helpo al nepagipovaj landoj.
D-ro Michele Gazzola el Ĝenevo atentigas pri nova raporto de la Eŭropa Komisiono pri la koncepto kaj historio de “lingua franca(j)”: Lingua Franca Chimera or Reality?, Studies on Translation and Multilingualism n-ro 1, European Commission, 2011.
Sekve al la unuflanka deklaro pri la sendependiĝo de la Kabinda Respubliko, farita en Bruselo 4 februaro 2011, la konstanta politika komisiono de la Fronto por la liberigo de la ŝtato de Kabindo, kunveninte en Svislando 21 februaro 2011, ratifis la sekvajn:
Post du monatoj aperos en la retejo de Konsilio de Eŭropo la nova, modifita teksto de la aplika manlibro por KEFR, al kies redakta laborgrupo kontribuis, por esperanto, la lernejo kaj lingvotestejo Kultura Centro Esperantista, komisiita de la Esperanta Civito.
Kultura Centro Esperantista daŭrigas sian strategion de plibonigo de siaj infrastrukturoj. Lastan someron estis konstruita tute nova salono, tiel ke apudas sed malsamas konferencejo kaj remtero. Kaj ĉi-semajne kompletiĝis la instalado de tute nova kuirejo, kun refarbado de la muroj en la kantina parto.
Daŭre sub la ŝoko pro la morto de la esperanto-fako ĉe Pola Radio, la estraro de Universala Esperanto-Asocio spertas pliajn malfacilaĵojn.
La prezidanto de UEA, Probal Dasgupta, kaj la ĝenerala direktoro, Osmo Buller, lastatempe malsaniĝis kaj devis provizore rezigni pri la plenumo de la respektivaj oficoj.
Ĉiuj partoprenantoj en la tria Afrika Esperantologia Semajno (Buĵumburo, 5-8 marto 2011) trapasos ekzamenon laŭ la LingvoTesta Sistemo de la Esperanta Civito, fare de sen. prof. Giorgio Silfer kaj lia asistanto, c-ano Mushosi Birindwa (la sola rezidanto en Burundio kun C-diplomo).
Unue — ŝoko! Likvido! Kaj la tutmonda esperantistaro ne protestas?! Ja ekzistas polaj ambasadoj, konsulejoj, postulu respondojn, protestu!
