HeKo 494 7-C, 14 nov 11
La Esperanta Civito, kiel kutime, komplete financis la numeron de “Heroldo de Esperanto” dediĉitan al la elektoj por la Senato kaj la Konsulo, okazontaj tra la tuta Esperantio 15 decembro 2011.
En la provinca urbo Szolnok estis organizita la 35a Hungaria Esperanto-Kongreso inter la 3a kaj 6a de novembro 2011. La aranĝon partoprenis pli ol 90 kongresanoj el almenaŭ kvar landoj: Ukrajnio, Rumanio, Kroatio kaj Hungario.
La intervjuo farita de Aleksander Korĵenkov al sen. Giorgio Silfer en la novaĵretejo “La Balta Ondo” iĝis la tria el la plej legataj dokumentoj en tiu informilo, kaj probable baldaŭ la dua en la klasifiko.
Fine de septembro 2011 la Administra Komitato de LF-koop (KALiFo) nomumis c-inon Etel Zavadlav dumtempa redaktoro de “Heroldo de Esperanto”, kun kvinmonata provperiodo, ĝis la ĝenerala Asembleo de la kooperativo, fine de februaro 2012. La suverena instanco decidus mem pri la konfirmo de ŝia posteno, transformante ĝin al ĉefredaktoreco.
Kvankam artikoloj raportis en la esperanta gazetaro, ekzemple “Literatura Foiro” en 1982, la tradicia vizitanto de Universalaj Kongresoj ne (kon)scias ke Usono dum pli ol dudek jaroj ne membris en Unesko.
Komentarie pri la intervjuo de Aleksander Korĵenkov al la Konsulo en “La Ondo de Esperanto”, aperis la sekva:
