Heroldo Komunikas | Heroldo Komunikas

En Malago 2009 duoble ol Madrido 2011

HeKo 487 8-B, 8 jul 11

Antaŭ preskaŭ du jaroj “Libera Folio”, kaj la cirkvito (bullerisma-kamaĉisma) kiu utiligas ĝin por siaj celoj, kalumniis la Hispanan Esperanto-Kongreson, tiam organizitan de Andaluzia Esperanto-Unuiĝo. La ĉefa mensogo estis, ke “tre multaj” ne partoprenis la kongreson ĉar en ĝi prelegis sen. d-ino Perla Martinelli.

Komisiono Fettes tro malfruas, UEA-estraro sin ŝirmas

HeKo 487 7-A, 7 jul 11

Ŝajnas drivi al ﬁasko la komisiono starigita en Havano por ellabori la strategion de Universala Esperanto-Asocio. Ĝis nun la komisiono, gvidata de Mark Fettes, produktis nur magran antaŭdokumenton. Kaj nun la estraro de UEA jam ŝirmas sin, por ne esti trenita en alies ﬁaskon. Jen la ĵusa oﬁciala komuniko de la ĝenerala sekretario al la tuta Komitato:

Nur raŭmistoj pretas kongresi en Afriko

HeKo 487 6-A, 6 jul 11

UEA ne sukcesas (aŭ ne volas) organizi Afrikan Esperanto-Kongreson, laŭ la suba gazetara komuniko de c-ano Adjévi Adjé.

Antologio de Leen Deij en Literatura Foiro

HeKo 487 5-B, 5 jul 11

La venonta numero de “Literatura Foiro” (252, aŭgusto 2011), ĉefredaktata de Ljubomir Trifonĉovski, regalos la abonantaron per tuta poemaro de Leen Deij, kun arta enpaĝigo fare de Perla Martinelli. La antologio enhavas kvardekon da versaĵoj, selektitaj kaj aprobitaj de la aŭtoro mem en 2001: ĝi ampleksas pli ol duonan jarcenton en lia vivo.

La agendo de la Simpozio pri homaranismo

HeKo 487 4-B, 4 jul 11

Kultura Centro Esperantista kaj Scienca Instituto Zamenhof komunikas la agendon de la dua Simpozio pri homaranismo, kiu ekos en Ĉaŭdefono la 15an de aŭgusto per la interkona vespero kaj ĉesos la 20an per adiaŭa vespero.

Kien post SAT? reagas klasbatalantino

HeKo 487 3-A, 2 jul 11

Dum SAT-kongreso antaŭ kelkaj jaroj estiĝis diskuto ĉu gardi aŭ ne la nocion de klasbatalo en la statuto. Temas pri falsa problemo. Simple la eraro de la nuna SAT, kaj specife de ĝiaj gvidantoj, estas la nekompreno pri la evoluo de la socio. Ne tia, ke la sociologiaj analizoj bazitaj sur la klasbatalo tute eksmodiĝis, sed tia ke ne plu la proletaro, sed alia socia klaso faros la revoluciojn.

La oka numero de Heroldo en 2011

HeKo 487 2-B, 30 jun 11

Akurate aperas “Heroldo de Esperanto” n-ro 2174, la oka en 2011. En la unua paĝo “Jam temp” està por nia Tempobanko”: sen. Martinelli klarigas detalojn pri la funkciado de la Esperanta Tempobanko (nomata Pasvorta Reto). JoMo, rekorde poliglota kantisto, intervjuita de Giorgio Silfer. Ivaniĉka Maĝarova lasas la stirilon de la bulgara kulturdomo. Japano iĝis pola kavaliro.

La TEJO-revuo favoras atomcentralojn

HeKo 487 1-A, 29 jun 11

Amara surprizo por la ekologiistoj en la revuo produktata de Tutmonda Esperantista Junular-Organizo, kaj ekde ĉi tiu jaro enhavanta ankaŭ la paĝojn de la ĉesinta “TEJO Tutmonde”, do kun pli oﬁciala statuso ol antaŭe.

PEN-reprezentantoj kunvenos en aŭgusto

HeKo 486 9-B, 28 jun 11

La reprezentantoj de la esperanta literaturo en la kvar komitatoj de PEN Internacia havos komunan konsultadon pri la reprezenta strategio, en Ĉaŭdefono okaze de la dua Simprozio pri Homaranismo, 15-20 aŭgusto 2011.

Sukcesa renkonto en bulgara monakejo

HeKo 486 8-B, 27 jun 11

Dum tri tagoj, 24-26 junio 2011, en la korto de la monaĥejo “Sankta Profeto Ilija” ĉe la vilaĝo Strupec (regiono de Vraca) pendis la Esperanta ﬂago: sukcese pasis la Esperanto-renkontiĝo tie, kun ĉeesto de trideko da samlingvanoj el tuta Bulgario.

Manifesto de Girona, nova lingvorajta iniciato

HeKo 486 7-B, 26 jun 11

Pasis dek kvin jaroj post la proklamado de la Universala Deklaracio pri la Lingvaj Rajtoj, al kiu kontribuis ankaŭ Esperanta PEN-Centro. Ĝis hodiaŭ la Deklaracio, malgraŭ multaj kaj kvaliﬁkitaj subtenoj, ne estas ankoraŭ formale adoptita de Unesko aŭ UN.

Milito pro ekologia katastrofo

HeKo 486 6-C, 25 jun 11

Ekologia katastrofo ŝajnas rekte inspiri militon, unuafoje en la historio de Azio.

Sangaj bataloj okazas en nordokcidenta Birmo (Myanmar), kie de post 9 junio 2011 la Kaĉina sendependista armeo konﬂiktas kun registaraj trupoj. Nur la 18an de junio, tra la oﬁciala gazeto “New Light of Myanmar”, eblis ekscii la vidpunkton de la registaro.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.