Dum la lastaj monatoj scivolemuloj sin turnis al fondumo Pro Esperanto (FPEF) por peti informojn pri la stato de la domo en strato Nieuwe Binnenweg 176, Roterdamo, vendata de la Universala.
La redakcio de “Literatura Foiro” kunsidis duone reale kaj duone virtuale hieraŭ vespere. Post gratulo al la ĉefredaktorino, kiu festis jubilean datrevenon, ĉiu redakciano raportis pri sia aktiveco, inkluzive de gravaj translokiĝoj rilate la profesion: c-ano Giordano nun vivas en Romo, c-ano Pita pli proksime al la San-Paŭla universitato.
Plia ganĉo de Rusio kaj Popola Ĉinio al Usono: ili estas inter la dek kiuj hodiaŭ malaprobis la revenon de Vaŝingtono en UNESCOn. Usono eliris dum prezidis Donald Trump, sed la eniro kaj eliro de la amerikanoj estas konata refreno, kiu ekis en 1982, kiam la eksiĝon motivis la aprobo de raporto McBride.
Opozicio kaj disidentoj en Rusio (aŭ preskaŭ nur ekstere: interne sidas plejparte en prizono) esprimis du sintenojn, kiam antaŭ du tagoj ekis la marŝado de grupo Wagner kontraŭ Moskvo: “Prigoĵin post Putin? de sitelo en barelon!” kaj “Tamen pli bone se la araneoj sin intervoras”.
HeKo 815 5-C, 26 jun 23
La kunvoko de la Senato de la Esperanta Civito estas konfirmita al Loklo (Svislando), ĉe la urbodomo, abaton la 29an de julio 2023 je la 9h30, por pritrakti la sekvan tagordon:
Sudano estis ĝis nun la plej grava kazo de interna milito batalata inter la ŝtata kaj mercenaria armeoj (ekde 15 aprilo 2023). Hodiaŭ superas ĝin Rusio, pro Grupo Wagner marŝanta al Moskvo, kontraŭ la ŝtata armeo: ĉiuj militistoj, sed solduloj kontraŭ soldatoj.
HeKo 815 3-C, 23 jun 23
Ne nur jubilea etoso dum la Parlamenta sesio en Loklo, 29 julio 2023. La Kapitulo kaj la senataj grupestrinoj petas aktualigi la rezolucion pri Ukrajno, aprobitan en marto 2022; ŝatus diskuti pri multlingvismo kiel kreskanta karakterizo en esperanto-asocioj; deziras komentarii respondon al interpelacio pri la indiko de sekso en la Civitaj legitimiloj.
HeKo 815 2-C, 21 jun 23
Kiel ofte ekde la inaŭgura sesio en 2002, la arkitekture admirinda urbodomo de Loklo en Svislando gastigos la Parlamenton de la Esperanta Civito, 29 julio 2023, laŭ decido de la Vickonsulo, konsultinta la Senatajn grupestrojn, kiuj nuligis la kunvokon al urbeto apud Torino por la posta semajno.
La unua kajero de la verkata Gramatiko de la Esperanta Lingvo enhavos kvin sekciojn: al Fonetiko kaj Fonologio, sub la responso de d-ro Alessio Giordano, aldoniĝas Ortografio, Ortoepio kaj Interpunkcio, sub la responso de d-ro Giorgio Silfer. La verkon eldonos Kooperativo de Literatura Foiro.
Rekunsidis ĉi-semajne La Formiketoj, nome la organiza teamo de la NaturAmika KulturSemajno en Esperanto, okazonta en Rozoj (Costa Brava) 1-7 oktobro 2023. Ili estas tri rezidantoj en Katalunio, unu en Andaluzio plus aktivulo de la kongresa buroo de la Esperanta Civito.
Ekaktivis la oficiala retejo de “Literatura Foiro”, preparita kaj mastrumata de c-ano Alessio Giordano. La retejon, viziteblan per la ligilo literaturafoiro.com, karakterizas ĉefpaĝo kun informoj pri la lasta numero de LF, novaĵoj el LF-koop kaj Esperanta PEN-Centro, kaj deŝutebla redakta principaro por la kunlaborantoj.
Hodiaŭ sian unuan telematikan kunsidon havis la Danubanoj, nome kvar geaktivuloj de Fajszi Amika Rondo preparantaj la kvinan Danuban Esperanto-Rendevuon en Budapeŝto, fiksitan por Pentekosto 2024 (18-20 majo). La kunsidon alestis ankaŭ aktivulino de la kongresa buroo de la Esperanta Civito, en subsidua rolo, laŭ la federisma demokratio sen burokratoj kiu karakterizas la Civiton.
