“Kia modelo por transnacia familio?” estas la ĉeftemo de la ĵus aperinta numero 18 de “Femina”, junio 2009.

Per uvertura reaperigo de la bela versaĵo “Mia amo libertempas” (kiu siatempe premieris en “La Nica Literatura Revuo”) la revuo “Literatura Foiro” en la junia numero 239 esprimas sian estimon al la ĵus forpasinta kunlaboranto kaj fidela aboninto Sylla Chaves.

La Esperanta PEN-Centro same kondolencas.

Hodiaŭ ni celebras la Tagon de la Esperanta Lingvo, koincide kun la permeso de la rusa cenzuro por la eldono de la Unua Libro, la 2an de junio 1887. Samtempe ni festas la promulgadon de la Konstitucio de la Esperanta Civito, antaŭ ok jaroj en la ĉarma Sabloneto, perlo de la renesanca arkitekturo, kiu lastatempe eniris la mondan Unesko-trezoron.

Tre sukcesa prelego de c-ano Giorgio Silfer, kadre de la 8a Eŭropa Esperanto-Kongreso kaj de la 86a Germana Esperanto-Kongreso en Hercbergo hodiaŭ vespere. Laŭ la ĉeftemo “Signifo de la falo de Berlina muro por interhomaj kontaktoj inter orienta kaj okcidenta Eŭropo” prof.

Post tri tagoj oni atingos la limdaton por la redakto de la memorlibro pri la granda esperantologo István Szerdahelyi (1924[1949]-1987), pri kiu zorgas d-ino Ilona Koutny, ĉe Universitato Adam Mickiewicz en Poznano. Al la memorlibro kontribuis per eseoj multaj disĉiploj kaj konatoj de “profesoro Merkredeja”, precipe hungaroj.

Atingis la publikon la sesa numero de “Heroldo de Esperanto”, raportanta pri la eventoj inter la 20a de aprilo kaj la 11a de majo 2009.

La lanĉo de “filmĵurnalo” (ĉu ĝi aperos ĉiutage?) fare de kaj esence pri la Centra Oficejo de Universala Esperanto-Asocio ŝajnas reklamspoto en komunikada krizo, kiu trafis la periodaĵojn en gravito ĉirkaŭ UEA mem.

La sepa Naturamika Semajno (NAS) organizita de Kultura Centro Esperantista okazos en Grindelvaldo/Grindelwald, 2-9 aŭgusto 2009, kun alveno la 2an vespere kaj forveturo la 9an matene. Temas pri la unusola naturamika semajno en Esperantio, de post la morto de TANEF kaj la sinmortigo de la gazeto “La Migranto” en 2006.

Granda embaraso pri la sorto de Grésillon en Francio, okaze de la asembleo de la kooperativo posedanta la kastelon, sabaton la 16an de majo 2009. Fakte oni ne scias ĉu ankoraŭ vere posedanta: laŭ leĝo de 2001, la societo devintus enskribi sin ĉe komerca registro; ĉar tio ne okazis ene de unu jaro, la societo fariĝis jure ne ekzistanta.

La decido, kie okazu la ĉi-jara Sanmarineca Universitata Sesio (SUS 31), estis inter la plej komplikaj de AIS San-Marino iam ajn. Estis ja klare, ke fine de julio okazu AIS-IKU, la Internacia Kongresa Universitato, kadre de la 94a Universala Kongreso de Esperanto en Bjalistoko, kaj en tiu urbo okazis jam SUS 8 kaj SUS 9. Do unuflanke logis la ideo, ke AIS-IKU estu samtempe SUS 31.

Ŝajnas ke Moskvo ne alportas bonan ŝancon al la ne samseksemaj batalantoj kontraŭ homofobio. Tion spertis esperantano jam antaŭ du jaroj, la kontuzita EU-parlamentano Marco Cappato (pri la agreso fare de la moskva polico en Esperantio raportis nur “Heroldo de Esperanto”) kaj hieraŭ spertis juna esperantistino, Ksenija Prilepskaja, TEJO-komitatano.

Universala Esperanto-Asocio havas ekde hieraŭ sian televizion: UEA viva. Temas pri 10-minuta kingazeto kun raportetoj pri aktualaĵoj en la vivo de UEA kaj TEJO, kaj de la Centra Oficejo. Ĝia aperofteco estus semajna aŭ duonmonata.