Heroldo Komunikas | Heroldo Komunikas

Konsula saluto

HeKo 318 8-C, 21 dec 06

Kiel eliranta respektive eniranta Konsuloj de la Esperanta Civito, ni elkore dankas la esperantan popolon pro la konﬁdo kaj aprezo esprimitaj okaze de la ĵusa baloto. Duan, aparte varman dankon ni rezervas al kiuj (skrutiniantoj kaj Registrostabanoj) garantiis la regulecon de la baloto.

Verda lavango en la nigra Afriko

HeKo 318 7-C, 20 dec 06

Ĝis la alveno de la lasta balotprotokolo (el Burundio) la Blanka Listo montris surprize bonan reziston, tiel ke ĝi povis esperi tri senatajn postenojn. La rezulto lavange favora al la Verda Listo en Buĵumburo portis la “Novan Maldekstron” atingi du trionojn de la esprimitaj voĉoj.

Elektita la nova Senato

HeKo 318 6-C, 19 dec 06

BALOTPROTOKOLO, 15 decembro 2006

Balotejoj: Angulemo, Buĵumburo, Ĉaŭdefono, Karakaso, Lomeo, Milano, Razgrado, Roterdamo, Varsovio.

Voĉrajtaj: 266 (ducent sesdek ses) / Balotis: 163 (cent sesdek tri) = 61,27%

Voĉoj validaj: 159 (cent kvindek nau, el kiuj sindetenaj: 6 / ses = 3,7%) / Nevalidaj: 4 (kvar) = 2,45%

"Persona non grata" marĝenigita en Hungario

HeKo 318 5-A, 17 dec 06

László Szilvási (persona non grata, ĉe la Esperanta Civito, pro diversaj kalumnioj kiujn li disvastigis pri ĝi) eksiĝis de Hungaria Esperanto-Asocio, kiu jam de unu jaro rezignis pri li kiel afergvidanto, kaj de naŭ monatoj kiel estrarano. La eksiĝo okazis post la hieraŭa ĝenerala Kunveno de HEA, kiu konﬁrmis la novan statuton de la asocio.

Zamenhof estis nek polo nek israelano

HeKo 318 4-B, 16 dec 06

Lastatempe en diversaj periodaĵoj (de pollingva ĵurnalo ĝis nordeŭropa skandalisma retgazeto) aperis misinformoj pri Lazaro Ludoviko Zamenhof. Tiuj misinformoj specife rilatas la gentan devenon, la nacian apartenon kaj la ŝtatanecon de Doktoro Esperanto.

Pli ol 50% partoprenis en la elektoj

HeKo 318 3-C, 15 dec 06

En naŭ urboj estas okazanta la skrutinio por la Senato de la Esperanta Civito: Angulemo, Buĵumburo, Ĉaŭdefono, Karakaso, Lomeo, Milano, Razgrado, Roterdamo, Varsovio.

Laŭ la indikoj alﬂuantaj el la unuaj tri balotejoj ﬁnintaj la skrutinion, pli ol 54% de la voĉrajtaj enskribitoj partoprenis en la elektoj: por Esperantio (sed ne nur) temas pri alta procento.

Deklaro je la Tago de la Esperanta Kulturo

HeKo 318 2-C, 15 dec 06

Hodiaŭ estas la Tago de la Esperanta Kulturo, kiu koincidas kun la datreveno de la naskiĝo de Lazaro Ludoviko Zamenhof. En atmosfero de ĝojo, ne povas manki momento de malĝojo.

Saluto de prezidanto Oguinye al Niĝeria kongreso

HeKo 318 1-A, 14 dec 06

Karaj amikoj niĝeriaj,

Mi salutas vin okaze de la unua kongreso kiun vi partoprenas en Niĝerio, kaj mi esperas ke, post viaj spertoj, vi lernos kiel la temo de la kongreso sugestas memstariĝi kaj agi laŭplaĉe, sen la inﬂuo kaj diktado de eŭropaj imperialistoj, koloniigistoj ks, kiuj pensas erare ke ni daŭre estas infanoj.

Fiaskis la kampanjo ĉe Pola Radio

HeKo 317 9-A, 12 dec 06

“La engaĝo de Universala Esperanto-Asocio kaj unuavice de ĝia prezidanto estis bedaŭrinde seneﬁka. Bedaŭrinde ĉar: a) la radioelsendoj en esperanto, en sia nuna formo, ĉesos meze de decembro; b) la ﬁasko pruvas, ke UEA kapablas inﬂui la eksteran mondon nek por atingi la Finan Venkon nek por gardi la jam konkeritajn poziciojn, eĉ por siaj geamikoj.

Bela reklama atingo ĉe MIGROS

HeKo 317 8-B, 11 dec 06

MIGROS estas la plej grava ĉeno de grandaj magazenoj en Svislando. Tiu ĉi federacio de kooperativoj, kies nomo franclingve signifas “duongroce”, havas kelkajn apartajn trajtojn: ekzemple ĝi ne vendas alkoholaĵojn kaj ĝi ﬁnancas kulturan aktivecon per ﬁksa procento de siaj proﬁtoj.

Barkoviĉ ne plu ĉefredaktoro de "Sennaciulo"

HeKo 317 7-A, 10 dec 06

Mankis nur kvin numeroj, kaj Kreŝo Barkoviĉ estus atinginta la rekordan nombron de tricent numeroj de “Sennaciulo” sub sia redakto – kio ankaŭ koincidus kun dudek kvin jaroj da redaktoreco, ĉar li enposteniĝis en aprilo 1982.

Post semajno la Zamenhofa skrutinio

HeKo 317 6-C, 8 dec 06

Koincide kun la Zamenhofa Tago (Tago de la Esperanta Kulturo, laŭ la Civita Konstitucio) okazos en ok lokoj de la mondo la balotkontrolo pri la elektoj por la Senato de la Esperanta Civito.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.