Je la 10a de decembro 2009, dum la zamenhofa semajno, la esperantistoj el urbo Razgrad (Bulgario) solene festis la 25-jariĝon de la Esperantista Domo de Kulturo “D-ro Ivan Kirĉev”.
HeKo 412 5-C, 15 dec 09
La Tago de la Esperanta Kulturo, unu el la kvar oficialaj festotagoj de la Esperanta Civito, en 2009 koincidas kun la Zamenhofa jubileo, sed ankaŭ kun gravaj eventoj el geopolitika vidpunkto, interalie la konferenco de Kopenhago pri la terklimato.
La portalo de Google, agordebla al cento da lingvoj inkluzive de esperanto, honoris la jubilean datrevenon de Lazaro Ludoviko Zamenhof. La kompanio aldonis la flagon de Esperantio ĉe la vorto “Google”: klakante sur ĝi, la leganto trovas liston de la Zamenhof-mencioj en la koncerna (ŝtat)lingvo. La honoro daŭros tutan diurnon.
La revuo “Femina” brile kaj akurate finis sian kvinan jarkolekton, servante al sia kreskanta publiko menuon el frandindaj paĝoj pri la rilatoj inter korpo kaj menso, en la ĵus aperinta numero 20.
La unua kajero de “Homarane” larĝe preterpasos la planitan paĝokvanton. Tio, kaj ioma malfruo en la kolekto kaj finredakto de la aktoj de la unua Simpozio pri Homaranismo, kaŭzis ke tiu kajero estos prezentita al la publiko nur fine de januaro 2010. Interalie oni evitos ke la unua numero, se datita en 2009, atingu la mendintojn en la posta jaro…
En Eŭropo (ne nur en la Unio) kreskas la atento pri lingvoj kaj lingvotestado, precipe en rilato kun la enmigrintoj, al kiuj pli kaj pli turniĝas la zorgoj de la fremdlingva instruado. Intertempe evoluas ankaŭ la pozicio de esperanto en tiu kampo.
Kultura Centro Esperantista, “institutional affiliate” de la Asocio de LingvoTestistoj en Eŭropo, anoncas du baldaŭajn lingvotestajn sesiojn konforme al direktivo Muhlemann (LingvoTesta Sistemo de la Esperanta Civito).
HeKo 413 2-C, 19 dec 09
La UN-konferenco pri la klimato, ĵus finita en Kopenhago, kontribuis al la lukto kontraŭ la varmiĝo de la terglobo precipe tial ke ĝi frostigis la esperojn de la ekologiistoj, inkluzive de la aktivantaj en la esperanta popolo. Sed se la konkretaj rezultoj estas elrevigaj, la konferenco ŝajnas grava pro aliaj geopolitikaj konsideroj.
Je la komenco de la nuna jaro ekzistis kvar salajrataj direktoraj postenoj en Esperantio: ĉe SAT en Parizo, ĉe UEA kaj IEI en Nederlando, ĉe IEMW en Vieno (la sola ŝtata dungito). Fine de 2009 restis nur du. Sed se la SAT-dungito foriris pro normala pensiuliĝo, por Internacia Esperanto-Instituto en Hago temis pri eksterordinara cirkonstanco.
Ekde 1998 la revuo “La Ondo de Esperanto” ĉiujare organizas enketon inter dudeko da esperantistoj, “reprezentantoj de diversaj tendencoj en la esperanto-komunumo kaj sendependaj kompetentuloj”.
