aprilo 2013

Rigora selektado de la partoprenontoj en la 4a Ateliero pri verka kaj redakta kreivo, organizota de KCE sub la aŭspicio de Feminisma Esperanta Movado, ĉe la Esperanto-Domo en Svislando, 9-14 julio 2013. Estas definitive akceptitaj gec-anoj Anna Bartek, Marie-France Conde Rey, Perla Martinelli, Chamberline Nguefack Zedong, Dieter Rooke kaj f-ino Polina Kalnickaja.

Tri poemoj de Lenke Szász (premiitaj en la pasintjara literatura konkurso EKRA) kaj rakonto de Julian Modest estas en la rubrikoj pri la originala esperanta literaturo de la aprila numero (262) de “Literatura Foiro”, kiu proponas ankaŭ eseon de Carlo Minnaja pri Miyamoto Masao, okaze de ties centjariĝo, kaj recenzon de Till Dahlenburg pri la poemaro “Maturaj meditadoj” de Dimitrije Janiĉiĉ.