majo 2016

Liverita al NFI la Malaga dokumento

HeKo 601 2-B, 18 maj 16

Delegacio de Esperanta Naturamikaro, gvidata de c-ino Perla Martinelli, sekretario de ENa, renkontis hodiaŭ matene du reprezentantojn de Naturfreunde International en la Viena kvartiro de NFI.

Literatura kafejo pri Shakespeare en esperanto

HeKo 601 3-B, 19 maj 16

“Shakespeare en esperanto” estis la temo de la hodiaŭa literatura kafejo, organizita de Fajszi Amika Rondo sub la aŭspicio de Esperanta PEN-Centro ĉe Landa Fremdlingva Biblioteko en Budapeŝto. Prelege gastis prof. Giorgio Silfer, kiu enkondukis la publikon al esploro pri la rilatoj inter la angla klasikulo kaj nia lingvo, okaze de lia kvarcentjara jubileo.

Honora UEA-membro plendas pri la slovaka UK

HeKo 601 4-A, 20 maj 16

D-ro György Nanovfszky, kiel honora prezidanto de landa asocio kaj honora membro de UEA, esprimis sian profundan bedaŭron pro la fakto, ke la informiloj okaze de UK en Nitro forte suferos pro la nuna slovaka naciismo, kun nenia mencio pri la grava rilato inter tiuj teritorioj kaj la hungara historio, specife la ĉeesto de hungarparolantoj.

Invit' al Njugatesko premieros dum ARTE

HeKo 601 5-B, 21 maj 16

La admirindaj pupoj konstruitaj de s-ino Katalin Rónai okaze de la centjara datreveno de la fondo de la revuo “Nyugat” inspiris al Giorgio Silfer la ideon pri <teatra ekskurso> tra la generacio de hungaraj verkistoj kiu funkciis kiel modelo ankaŭ por “Literatura Mondo”.

La Kapitulo salutas la fervojistan Kongreson

HeKo 601 6-C, 22 maj 16

Solena malfermo de la Internacia Fervojista Esperanto-Kongreso hodiaŭ matene en Varno, sub la prezido de s-ino Rodica Todor. La prezidantino de Internacia Fervojista Esperanto-Federacio “donis tre bonan impreson per sia interveno, kun tre bona analizo kaj karakterizado de Bulgario”, rimarkas c-ino Miroslava Kirova, kiu salutis la kongreson nome de la Kapitulo de la Esperanta Civito.

TEJO vanigas la akordon Grosjean-Zebrowski?

HeKo 601 7-A, 23 maj 16

La Komitato de TEJO estas voĉdonanta pri la kandidatiĝo de sia burundia landa sekcio okazigi IJKon en Rumonge dum somero 2017. Kiel konate, la samaj organizontoj de la eventuala unua afrika IJK rezignis pri Afrika Esperanto-Kongreso en 2016, pro la interna situacio en la lando.

La Forumo balotos por la Kortumo 2016-18

HeKo 601 8-C, 24 maj 16

La Forumo de la Esperanta Civito balotos ekde la 2a de junio 2016 por la nova Kortumo, oﬁconta dum jarduo ekde la 5a de aŭgusto 2016, tuj post la ﬁno de la parlamenta sesio, kunvokita al Budapeŝto.

Neniu afrikano en la estonta UEA-estraro

HeKo 601 9-A, 25 maj 16

Neniu afrikano estas kandidatigita fare de la (s)elekta komisiono por la Estraro de Universala Esperanto-Asocio elektota ĉi-somere en Nitro. Kaj neniu afrikano estas kandidatigita kiel C-komitatano, fare de la sama komisiono. La selekta proceduro ŝajne funkcias kiel kutime, spite al klopodo malsovetigi ĝin.

Esperanto en opera projekto de Tarik Günersel

HeKo 602 1-B, 26 maj 16

La ideo naskiĝis dum la 10a Internacia Teatrofestivalo en Ankaro: Tarik Günersel proponis al Giorgio Silfer esperantigi partojn de sia opera projekto, kiu enhavas kaj dancon kaj kanton de soprano.

Unua intensiva kurso pri nia literaturo en Andaluzio

HeKo 602 2-B, 27 maj 16

La unua intensiva kurso pri la esperanta literaturo en Andaluzio ekos lundon 30 majo 2016, koincide kun la datreveno de la fondo de LF-koop, ĉe la naturamika Esperanto-Domo en Malago. Ĝi daŭros kvin tagojn sinsekve kaj disvolviĝos ĉiutage de 16h00 al 19h00.

Serĉo

Esperanta civitaneco

Petu la esperantan civitanecon per la reta formularo.

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.