Post fizikaj vizitoj de diversaj Abeletoj, la organiza teamo konfirmis la liceon de Ĉaŭdefono plej taŭga festivalejo, pro la kuneco de lokaloj, restoracio, teknologio kaj atingeblo, okaze de la evento meze de aŭgusto de la venonta jaro. La alternativo (la urba kampadejo, kun komfortaj familiaj ĉaledetoj) estas rekomendinda por pli malgranda kaj teknike malpli postulema aranĝo, kun memmastruma orientiĝo, en alia jaro.
La partoprenontoj en la 11a Kultura Esperanto-Festivalo tranoktados en diversaj konstruoj facile atingeblaj per senpaga aŭtobuso, trafikanta de la frua mateno ĝis iom antaŭ noktomezo. La matenmanĝoj okazos ĉe la tranoktejoj, dum la ceteraj manĝoj kaj kafopaŭzoj en la festivalejo mem.
La decidon influis ankaŭ la fakto ke la pandemio ne finiĝis jam, kaj aŭlo kun tricent sidlokoj, respektive remtero kun cent sesdek, garantias kunestadon en adekvata distanco, se ankoraŭ daŭros restriktoj. Krome eblos subĉiela programo en la parceloj apud la festivalejo: unu el ili nomiĝas oficiale Esperanto-Verdejo.
En la sama ejo sukcese disvolviĝis SAT-kongreso en 2003, kun 150 partoprenantoj. La dato de KEF restas la jam decidita: 9-15 aŭgusto 2022.
Aldonu komenton