HeKo 511 3-A, 8 jul 12
En la hieraŭa tago, fine de la interlingvistika konferenco en Pala, sen. Giorgio Silfer estis honorita per la diplomo “Academicus Ariste” pro interlingvistikaj meritoj, ĝis nun asignita al dek unu kleruloj fare de la Internacia Asocio de Interlingvistiko (IAI), prezidata de prof. d-ro Aleksander Duliĉenko en Estonio.
Fondite en 2005 en la universitata urbo Tartu (Estonio), IAI celas “la organizon de internacia kunlaboro de interlingvistoj por kontribui al la evoluo de la scienco pri internacia lingva komunikado”.
La ĉefa scienca eldonaĵo de IAI estas la kajero “Interlinguistica Tartuensis”, kie aperos ankaŭ la prelegoj de la nuna konferenco.
Paul Ariste estis probable la plej eminenta glotologo kiun havis Esperantio.
Aldonu komenton