La geopolitika situacio rapide evoluanta povus influi ankaŭ la esperanto-mondon. Dum Bertil Nilsson kaj Giorgio Silfer meditas pri la perspektivoj precipe en Eŭropo, Dieter Rooke raportas pri la etoso ĉirkaŭ esperanto en Popola Ĉinio, per intervjuo al Laŭlum.
Tradicie la kalendaro de la eventoj legebla en “Heroldo de Esperanto” estas la plej kompleta en la tuta Esperantio. En 2011 la nombro da aranĝoj ŝajnas kreski, tiel ke apenaŭ restas spaco por humuraĵo de Leen Deij, pri du esperantistoj en trajno…
Pri la rilato inter korpo kaj psiko meditas Leen Deij. André Cherpillod analizas la du tipojn de etimologio. Mikronovelo el la fantasta bestofarmo de Etel Zavadlav, ĉi-foje pri (ge)leporoj. Poemeto kaj rememoro el antaŭ kvindek jaroj.
La gazeton “Heroldo de Esperanto” posedas, administras kaj eldonas Kooperativo de Lireratura Foiro. Varbekzemplero estas mendebla ankaŭ tra nia redakcio.
Aldonu komenton