HeKo 435 8-C, 3 maj 10
Kongrue al la orientiĝoj esprimitaj dum la parlamenta sesio en Bruselo (julio 2008) kaj konforme al la konstituciaj povoj, hodiaŭ la Konsulo subskribis nome de la Esperanta Civito la Alvokon de la kampanjo por la starigo de parlamenta UN-asembleo.
Kvankam la Alvoko mem (disponebla en 28 lingvoj, inkluzive de esperanto) ne alfrontas la ĉefan demandon de la reprezentado de la popoloj sen naciŝtato, la Konsulo opinias ke necesas fari unuan paŝon direkte al la reformo de Unuiĝintaj Nacioj, kaj ke ĉi tiu kongruas kun la interesoj de la esperanta popolo.
Samtempe, aplikante pli fruan decidon de la Kapitulo, la Konsulo ĵus atingis ke la Esperanta Civito estu akceptita kiel oficiala observanto ĉe la baldaŭa 10a Ĝenerala Asembleo de la Organizo de la Nereprezentitaj Popoloj. Unuafoje la flago de Esperantio ĉeestos en ĉi tiu kunveno, kie interalie estas reprezentata ankaŭ Dalai-Lama. La esperantan delegacion gvidos la Konsulo mem.
Aldonu komenton