HeKo 456 5-C, 5 okt 10
La senata sesio en Landerono (18 aŭgusto 2010) decidis prokrasti la aprobon de la leĝopropono pri reprezentaj donacoj, konfidante al triopa komisiono (Martinelli kaj Trifonĉovski por la majoritato, Holevitch por la opozicio) la taskon profundigi la temon kaj perfektigi la tekston, submetotan al la venonta senata sesio.
La komisiono efektive kunvenis jam la 19an de aŭgusto, sed tuj poste sen. Perla Martinelli komunikis sian retiriĝon el la komisiono mem. Tial ke tri estas la minimuma membronombro por la ekzisto de la komisiono, la komisiono ne plu ekzistis.
La Konsulo interpretis tion kiel reprenon de la leĝopropono mem, kiu tiel estas forstrekita el la tagordo de la Senato. Se tamen iu el la grupestroj petus, ke ĝi plu estu diskutata, ĝi ree enirus la agendon de senataj laboroj.
Aldonu komenton