HeKo 706 3-E, 7 apr 19
La indiko pri Eŭropa Unio malaperis de la britaj pasportoj eldonataj ekde la 30a de marto, la tago post la planita eliro el EU. La koloro restis la bordoza, sed estas planata la reveno al la mara bluo de la antaŭa jarcento.
Ĉu ankaŭ la internaj indikoj en pli ol dudek lingvoj malaperis en la nova eldonaĵo? Reciproke, la EU-landoj devus forigi en siaj pasportoj ĉiun indikon en la angla, rezulte de la secesio.
La britaj aŭtoritatoj precizigis ke la malnovaj pasportoj (kun la indiko “European Union” kaj la uzo de aliaj lingvoj) daŭre validas.
Aldonu komenton