Advokato Yves Bellefeuille, kies kompetento pri juro ŝajnas pli kaj pli dubinda, afiŝis en la kutima skandalgazeto falsan informon: “Esperanto-Federacio en Niĝerio trovis trukon por eliri de la Civito sen pagi 500 eŭrojn. Senpaga eliro okazas se “forumanoj nek partoprenas nek senkulpiĝas dum du jaroj”.
La art. 5, par. 1 de la Foruma Reglamento tekstas: “La establo kies forumanoj nek partoprenas nek senkulpiĝas dum du jaroj sinsekve estas konsiderata kiel eksiĝinta el la Pakto. Ĝia eksiĝo estas tuj komunikita de la Konsulo al la Kortumo por la necesa verdikto.”
Unua eraro de Bellefeuille: la eksigo laŭ la supra artikolo ne liberigas de la administraj kostoj, kiujn fakturas la aktisto de la Kortumo al la koncerna establo.
Dua eraro de Bellefeuille: la sumo de li indikita estas tute fantazia. La administraj kostoj de la Kortumo estas indicitaj laŭ la kontingentoj de la Monda Banko. Establo en Niĝerio pagas unu speson, kio egalas al naŭdek svisaj frankoj (nuntempe 75,- eŭroj).
“Ministro” Bellefeuille havas precedentojn de mistifiko kaj de antisemitismo. Li ankaŭ denuncis ŝtelon okaze de Universala Kongreso, probable pli fantazian ol faktan. Ene de UEA li provis grimpi al la estraro, sed lia kandidatiĝo eĉ ne estis konsiderata.
Aldonu komenton