Eminente bona la unua tago de la 15a Kultura Esperanto-Festivalo en Ĉaŭdefono, organizita de Studenta Esperanta Ligo kaj Kultura Centro Esperantista, ekinta per inaŭgura prelego de c-ano Alessio Giordano, kunĉefredaktoro de “Literatura Foiro”, pri la rilatoj inter Artefarita Intelekto kaj la esperanta kulturo, precipe la literaturaj periodaĵoj.
Sekvis la premiero de “La socia historio de la esperanta popolo”, kun interesa debato inter la puliko kaj la ĉeestanta aŭtoro, c-ano Giorgio Silfer. Post leĝera intermezo de origamia ateliero, gvidita de s-ino Alice Liotto, sekvis “vaka seĝo” dediĉita al Raymond Schwartz, taŭga preparo al la omaĝo okaze de la centa datreveno de la “Verdkata testamento”.
Vespere atutis vera kabareto, kie c-ano Giorgio Di Nucci interpreti Schwartz, kante muzike anekdote poezie, kreante unikan etoson en la Helvetia Esperanto-Domo. Vere bedaŭrinda maltrafo de la spektanto, precipe por tiuj svisoj kiuj sin mem ekskludas de teatro, muziko kaj aliaj artoj.