La lastan semajnon de julio kaj la unuajn tri semajnojn de aŭgusto 2011 Kultura Centro Esperantista proponos al siaj gastoj kaj klientoj kompletan pensionon en la Esperanto-Domo mem.
Eblos konsumi, en salono Klara, ne nur la matenmanĝojn, sed ankaŭ la lunĉojn kaj la vespermanĝojn, preparitajn de lerta itala kuiristino kiu volontulos dum tuta monato. La remtero povos priservi ĝis tridek personojn samtempe.
Kiel lernejo kaj konferencejo, dum tiu periodo KCE proponos Plurnivelan Internacian Kursaron, Esperantologian Fakultaton kaj la duan Simpozion pri Homaranismo. Entute pli ol kvardek personoj povos paralele studi, en tri malsamaj klasoj.
En la Esperanto-Domo mem povas jam nun komforte tranokti dek kvin personoj, plus tri aŭ kvar (se familio, aŭ du paroj) en la Elfonesto, kaj du en la najbara Vulpa Domo. Do entute dudeko en la proksimeco. Kaj eblas tranoktigi la saman kvanton aliloke ĉe privatuloj, proksimume je la samaj tarifoj de KCE.
La detala programo aperos diversloke, inkluzive de HeKo.
Aldonu komenton