HeKo 725 7-B, 5 jan 20
Konforme al manifesto pri kultura libereco, lanĉita dum la lasta PEN-mondkongreso, kaj pro la rezolucio de Unuiĝintaj Nacioj kiu kondamnas Birmon pro la persekuto kontraŭ la islama rohinĝa minoritato, la Esperanta PEN petis la Komitaton pri tradukarto kaj lingvaj rajtoj rekonsideri la kunvenon kiun tiu Komitato kunvokis al Birmo por majo 2020.
La peton subskribis la delegitoj de la esperanta literaturo, gec-anoj Chiara Macconi kaj Giorgio Silfer. La Ĝenerala Asembleo de UN aprobis en decembro 2019 la rezolucion per vastega plejmulto: 134 por, nur naŭ kontraŭ, 28 sindetene.
La demarŝo de la Esperanta PEN rezultis el interna konsultiĝo, kiu aprobis unuanime la proponon peti rekonsideron (do nuligon) de la kunvokita kunveno.
Aldonu komenton