La EU-Parlamento (elektita rekte de la popoloj, laŭ proporcia sistemo) konfirmis sian apogon al la kampanjo por la UN-reformo, al kiu aliĝis ankaŭ la Esperanta Civito.
La pasintan lundon la parlamenta komisiono pri eksteraj aferoj de la EU-Parlamento aprobis rekomendon al la EU-Konsilio (kie la membroŝtatoj iam estis paritete reprezentitaj, sed nun ne plu), petante ĝin sin esprimi favore al “la kreo de parlamenta asembleo ĉe Unuiĝintaj Nacioj kadre de la UN-sistemo”.
La deklaro de Eŭropa Unio devus manifestiĝi okaze de la venonta Ĝenerala Asembleo de UN. Estas rimarkinde, ke la rekomendopropono venis el la kristandemokrata kaj liberala grupoj en la EU-Parlamento; en 2007 ankaŭ la socialista grupo estis inter la subtenantoj de la demokratiigo de UN.
La EU-Konsilio responsas pri la ekstera politiko de UN kaj ĝia bloka sekureco. Lastatempe la Ĝenerala Asembleo de UN aprobis la principon, ke la EU-Konsilio povas paroli nome de ĉiuj dudek sep membroŝtatoj.
Aldonu komenton