La prezidanto de Pro Esperanto (kaj vicprezidanto de Esplora Instituto de Esperantologio) estos en Svedio dum la unua duono de septembro 2026, precipe por fronti kaj solvi diversajn problemojn koncerne la ekfunkciadon de Skandinava Esperanto-Domo en Lesjoforso.
Li renkontos lokajn entreprenistojn kaj lokajn aŭtoritatojn, al kiuj li liveros specifan projekton pri la uzo de la Domo, ĵus legitimitan de la Komitato kaj docentaro, kunsidintaj en Ĉaŭdefono 20 aŭgusto 2026.
C-ano Silfer renkontos ankaŭ la esperantan komunumon de Upsalo, dimanĉon 6 septembro, kaj plurajn aktivulojn. Pri la iniciatoj de la resurektanta kulturcentro li esperas persone informi en la respektivaj hejmurboj la prezidantinon kaj la vicprezidanton de Sveda Esperanto-Federacio. En Upsalo li parolos pri sia lasta verko “La socia historio de la esperanta popolo”.