HeKo 702 6-C, 27 feb 19
Ne povante ĉeesti per propra oficiala reprezentanto la ĉi-semajnan funebran ceremonion, la Esperanta Civito anoncas ke c-ano Jarl Hammarberg aŭ Jarlo Martelmonto, Civita senatano kaj membro de Esperanta PEN-Centro, estos honorata okaze de la venonta Tago de Ĉiuj Pioniroj, en la Esperanta Panteono. La oracion faros la Konsulo mem.
La Kapitulo ankoraŭ ne decidis ĉu li ricevos cenotafon. Certe ne estos urno por liaj cindroj, ĉar c-ano Hammarberg, kiel Martinus-ano, kontraŭis kremacion.
Ĝis nun honoritaj per cenotafo aŭ urno estas Gaston Waringhien, Leen Deej kaj Manuel de Seabra, konforme al Lex Bertilia.
Komentoj
31a Okt 2019 Ĵaŭ - 19h20
La arto de Jarl Hammarberg estas fekaĵo.
31a Okt 2019 Ĵaŭ - 19h21
Hammarberg estis unu el malmultaj esperantaj artistoj kiuj ankaŭ estas famaj ekster Esperantujo. Sveda artisto, aŭtoro kaj grava reprezentanto de konkretisma poezio (en esperantujo certe la sola). Absolute unika artisto kaj persono. Nun li bedaŭrinde mortis, kaj neniu povos plenigi la truon kiun li postlasas. Mi bedaŭras la malrespekton de Dumain al eksternorma arto.
31a Okt 2019 Ĵaŭ - 19h21
Dumain estas usonano. Bedaŭrinde insultoj kontraŭ la memoro de Jarlo Martelmonto venis ankaŭ de Sten Johansson (svedo) kaj Giulio Cappa (italo).
Aldonu komenton