La subita prokrasto de la Universala Kongreso en Moravio ĵus kuntrenis la prokraston ankaŭ de la TEJO-kongreso en Indonezio: ĝi okazos 9-16 aŭgusto 2025, samtempe kiel la SAT-kongreso en Greziljono. Verŝajne sen problemo ankaŭ por ĉi-lasta, pro la demografia konsisto de Sennacieca Asocio Tutmonda.
Tamen UEA embarasis ankaŭ la organizantojn de la ILEI-kongreso en Serbio, ĉar nun inter Belgrado kaj Bruno ekestis tutsemajna truo. Ĉu ankaŭ la instruistaro devos prokrasti sian jaran renkonton?
Bonŝance la unua Esperanta Konferenco en Afriko (EKA) estas konfirmita fine de decembro 2025. Informas aei [ĉe] esperantio [punkto] net (aei[at]esperantio[dot]net)
Kaj espereble Baltiaj Esperanto-Tagoj en Litovio (5-13 julio 2025) ne glitos laŭ la sama bananŝelo de UEA kaj TEJO.
Aldonu komenton