HeKo 422 4-A, 7 jan 10
Se Kooperativo de Literatura Foiro kaj Universala Esperanto-Asocio gvidas (kiel ĉiam de post multaj jaroj) la klasifikon de la eldonantoj de periodaĵoj en Esperantio, en 2009 la klasifikon de la libroeldonantoj gvidis Monda Asembleo Socia (titolkvanto) kaj Flandra Esperanto-Ligo (paĝokvanto).
Fakte la pasinta jaro estis la plej magra en la jardeko, el produkta vidpunkto: nur 158 (minus 21% kompare kun 2008), malpli ol la antaŭa rekorda 2005 (159 titoloj). Aparte rimarkinda estis la falo ĉe la lernolibroj, dum beletro (precipe la originala) tre bone eltenis.
En 59 libroj estas indikoj pri tradukiteco. Plej multaj tradukoj estas el la germana (16) kaj el la franca (13), kaj nur 3 el la angla, sed la angla lingvo konservas la unuan lokon en la resuma tabelo 1991-2009 (137 libroj) sekvate de la franca (135) kaj la germana (126).
Tio kaj alio legeblas en la statistiko kompilita de Aleksander Korĵenkov.
(signalis: Scienca Instituto Dietterle)
Aldonu komenton