HeKo 622 4-B, 14 nov 16
Kultura Centro Esperantista en Ĉaŭdefono jam de pli ol dudek jaroj funkcias danke al la deĵorado de bonvolaj stabanoj de LF-koop, al kiuj aldoniĝis helpemaj gecivitanoj. Preskaŭ ĉiuj deĵorantoj venas de eksterlando: kiel vere transnacia centro, KCE vivas preskaŭ sen svisaj laborfortoj. Tiel multe ke la retejo de Svisa Esperanto-Societo eĉ ne mencias ĝin…
En 2016 la plej longaj deĵoroj estis tiuj de c-ino Anna Bartek kaj de c-ano Tihomir Lovriĉ. Aliaj deĵorontoj estis trejnitaj dum pli mallonga periodo.
Dum la jaroj 2010aj aldoniĝis la stabo de Fondumo Pro Esperanto, specife por la domflegado. Plej asiduaj stabanoj estis c-anoj Marek Bamberski kaj Claudiu Doda.
La stabo en Ĉaŭdefono aktivas ankaŭ por la nemoveblaĵoj kiuj ne apartenas al KCE: do ne nur la Esperanto-Domo, sed ankaŭ la apartamentoj de LF-koop (la Elfonesto kaj la Pegonesto).
(HeKo 622 4-B, 14 nov 16)
Aldonu komenton