HeKo 662 7-A, 25 okt 17
Estas nuligita la ministra konferenco de la internacia organizo de frankofonio, kunvokita ĉi-semajne al Lomeo. La konstantaj perturboj pro la manifestacioj de la politika opozicio kontraŭ prezidento Faure Gnassingbé kondukis la landon kvazaŭ al sieĝostato.
La togolanda krizo riskas kontaĝi la najbarajn landojn. En tia konjunkturo la prezidento de Benino kaj la militministro de Eburio vizitis Lomeon por klopodi milidigi la tension. Sed la gambiaministro pri eksteraj aferoj rekte proponis al prezidento Gnassingbé demisii, tre kolerigante lin.
La interveno de Afrika Unio kaj de la Ekonomia Komunumo de la Okcidentafrikaj Ŝtatoj restis praktike senrezulta, almeaŭ ĝis nun. La perturboj en la eta lando, iam simbolo de paco kaj stabileco en Afriko, riskas detrui ekvilibrojn kaj interesojn pli grandajn ol Togolando mem.
(Leonardo Baroncelli, geopolitika konsilisto)
Aldonu komenton