HeKo 877 8-C, 22 jun 25
La translokado de la orienta legacio de la Esperanta Civito el avenuo Thököly en Budapeŝto estas kompletigita, danke al niaj stabanoj Anna Bartek kaj Giorgio Silfer, kun la financa subteno de anonima mecenato.
La nova sidejo, oficiale inaŭgurota venontjare, kostas multe malpli ol la malnova, kun ŝparo de dudek ses spesoj jare (1 speso = 90 CHF; 1 speseto = 0,90 CHF). Krome, la proprietulo de la malnova sidejo pli kaj pli malbone administris kaj flegis la palacon.
La jura adreso de Fajszi Amika Rondo estas provizore ĉe la vicprezidantino, mem legacia korespondanto por Budapeŝto. La ceteraj korespondantoj restas en sia posteno.
(far)
Aldonu komenton