HeKo 592 7-B, 8 feb 16
La 30a literatura kafejo en Budapeŝto, 18 februaro 2016, estos enfokusigita al la libro “Littera scripta manet”, omaĝo al prof. Helmar Frank (1933[1973]-2013).
Fajszi Amika Rondo invitis la vidvinon de prof. Frank, d-inon Vera Barandovská-Frank, sed bedaŭrinde ŝi frakasiĝis en skiakcidento. Ŝin anstataŭos c-ano György Nanovfszky, vicprezidanto de Esperanta PEN-Centro kaj prezidanto de FAR.
Kiel kutime la literatura kafejo disvolviĝos en la Landa Fremdlingva Biblioteko, ekde 17h30. Por la sukceso de la aranĝo helpas c-inoj Anna Bartek kaj Klára Szabó, kaj la stabo de la biblioteko. Kunlaboras ankaŭ s-ro Imre Keményfi.
En marto ĉe la literatura kafejo gastos c-ano Bertil Nilsson, prezidanto de Esperanta PEN-Centro.
Aldonu komenton