HeKo 422 9-A, 9 feb 10
La Svisa Muzeo de Ludoj en La Tour-de-Peilz (apud Laŭzano) aldonis esperanton al la ses jam elekteblaj lingvoj por vizitoj kaj laborgrupoj. Ĝia kunlaboranto d-ro Francesco Reale pretas gvidi esperantlingve tra la mezepoka kastelo kie situas la muzeo, inkluzive de fakaj laborgrupoj, por lerni specifajn ludojn: afrikajn, ĉinajn, romiajn, faraonajn ktp.
Post la muzea vizito eblas restadi en la pitoreska parko ĉirkaŭ la kastelo, aŭ promeni ĝis la proksima kastelo de Chillon aŭ ĝis Alimentarium de Nestlé en Vevey.
D-ro Reale prizorgas la organizadon ankaŭ de internaciaj kulturaj eventoj lige kun la muzeo.
Aldonu komenton