HeKo 530 7-B, 24 apr 13
La tre sukcesa prezento pri esperanto fare de c-ino Perla Martinelli ĉe urba biblioteko en Malago la pasintan monaton kaŭzis interalie pozitivan kontakton kun la lokaj poeziamantoj. Unu el la ĉeestintoj, prof. José Luis Pérez Fuillerat, proponis al d-ino Martinelli esperantigi poemon, okaze de baldaŭa prezento de unu el liaj poemaroj.
La prezento de la poemaro okazis hieraŭ, en la Internacia Tago de la Libro, ĉe la prestiĝa Ateneo en la ĉefurbo de la andaluza marbordo. Al la multnombra publiko la poeto proponis siajn versaĵojn, kun la asisto interalie de alia verkisto, Antonio Romero Márquez. Fine de la vespero, kun agrablaj muzikaj interaktoj, Pérez Fuillerat enkondukis gec-anojn Martinelli kaj Giorgio Silfer, per tre gratulaj vortoj. La aŭtoron aparte impresis la perfekte rimita traduko de lia poemo.
Perla Martinelli deklamis la poemon en esperanto kaj ricevis tre longan aplaŭdon. La publiko atendas prelegon pri nia literaturo la venontan junion, zorge de Esperanta PEN-Centro.
Esperantistoj ĉeestis la poezian vesperon, fakte ĉiuj membroj de Esperanta Naturamikaro, interalie la prezidanto, sen. Julio Herrero, kaj la kasistino, s-ino Milagros Abad.
La prezento de la poemaro okazis hieraŭ, en la Internacia Tago de la Libro, ĉe la prestiĝa Ateneo en la ĉefurbo de la andaluza marbordo. Al la multnombra publiko la poeto proponis siajn versaĵojn, kun la asisto interalie de alia verkisto, Antonio Romero Márquez. Fine de la vespero, kun agrablaj muzikaj interaktoj, Pérez Fuillerat enkondukis gec-anojn Martinelli kaj Giorgio Silfer, per tre gratulaj vortoj. La aŭtoron aparte impresis la perfekte rimita traduko de lia poemo.
Perla Martinelli deklamis la poemon en esperanto kaj ricevis tre longan aplaŭdon. La publiko atendas prelegon pri nia literaturo la venontan junion, zorge de Esperanta PEN-Centro.
Esperantistoj ĉeestis la poezian vesperon, fakte ĉiuj membroj de Esperanta Naturamikaro, interalie la prezidanto, sen. Julio Herrero, kaj la kasistino, s-ino Milagros Abad.
Aldonu komenton