HeKo 669 2-C, 30 dec 17
Ministro de la Burundia Registaro honoris la ferman kunvenon de la parlamenta sesio de la Esperanta Civito, en Buĵumburo 27 decembro 2017. Lin akceptis la prezidanto de SIPU kaj la Vickonsulo, kiuj dankis lin pri la vizito.
Koincide kun la vizito, la Senato aprobis la anstataŭigon de la demisiinta sen. Chamberline Nguefack per la unua el la neelektitoj de la Verda Listo, c-ano Alphonse Waseka. Samtempe ĝi aprobis la definitivan anstataŭigon de la Konsulino per sen. Giorgio Silfer, kiu fariĝis Konsulo. Sen. Frederiko Nimubona, aplike al la art. 20 par. 4, fariĝis Unua Vickonsulo.
Tuj post tiuj anstataŭigoj la parlamenta sesio estis fermita, elĉerpinte la tagordojn.
(HeKo 669 2-C, 30 dec 17)
Aldonu komenton