Du viroj kandidatas por prezidi Universalan Esperanto-Asocion dum 2019-21: Duncan Charters kaj Fernando Maia jr.
Ok viroj kandidatas por kvin postenoj en la Komitato (elektotaj de la tuta individua membraro).
Neniu virino partoprenos en tiuj balotoj, unuapersone. En la eliranta estraro mem sidas nur unu (Sara Spanó): edzino de TEJO-vicprezidanto, kune kun la edzino de la nuna ĝenerala direktoro de UEA ŝi situas inter la proponintoj pri s-ro Maia. Entute tri virinoj el dek unu subskribintoj.
Pli populara inter virinoj ŝajnas d-ro Charters: lin subtenas oficiale s-inoj Bakker-ten Hagen, Gutiérrez González, Kóródy, Pietrzak kaj Tantin-Ackermann.
Spite al la supra, la gvido de UEA ŝajnas afero inter viroj, almenaŭ ĝis 2022. Simila masklismo delonge karakterizas ankaŭ la Akademion de Esperanto. Tamen restas ankoraŭ ŝanco por la respektivaj estraroj…
Aldonu komenton