HeKo 678 9-B, 8 maj 18
Islama Esperanta Klubo oficialigis sian blazonon: temas pri la fundamenta blazono de la Esperanta Civito, kun aldone blanka lunkreskanto en la verda duono, turnita alten. La blazono aspektas tre simpatie, kvazaŭ blanka rideto sub la Verda Stelo.
IEK entreprenis demarŝojn por jura registrado. La unua paŝo estas la agnosko ĉe islama aŭtoritato en Buĵumburo. Poste notario validigos la statuton. Fine la dosiero atingos la ministerion. La tuta procezo postulas pli ol cent eŭrojn, tro grandan sumon por la financaj ebloj de la societo nuntempe. Se islamano bonvolus mecenati, sufiĉus kontakti la klubon: <islam ĉe esperantio.net>.
La esperanto-kursoj daŭras ĉe la korana lernejo de kvartalo en Buĵumburo. Didaktika materialo estas bonvena.
Aldonu komenton