En Katalunio la esperanto-kulturo pli kaj pli ŝuldas al la konsorcio de la Esperanta Civito, vera transnacia produkta platformo. Fakte la grava Itala Kultur-Instituto en Barcelono invitis la tradukintinon de “Asertas Pereira”, c-inon Perla Martinelli, prezenti la version en nia lingvo okaze de omaĝa tago al Antonio Tabucchi.
La evento estas planita por 4 marto 2025, kaj ĝin partoprenos la vidvino de la aŭtoro, prof. Maria José de Lancastre el Lisbono. Fakte ŝi estis tre favore impresita de la prezento dum la 3a NaturAmika KulturSemajno en Toso-de-Maro, la pasintan oktobron.
La programo, adresita al italoj kaj italistoj, okazos plejparte en la itala lingvo.
La romano “Asertas Pereira”, eldonita de Kooperativo de Literatura Foiro, estas mendebla ĉe la plej gravaj libroservoj aŭ rekte tra lf-koop [ĉe] esperantio [punkto] net (lf-koop[at]esperantio[dot]net)
Aldonu komenton