HeKo 575 4-A, 12 jun 15
La Esperanto-Klubo de Olomouc gastigis hodiaŭ sukcesan prezenton de rapsodia teatro, fare de c-ano Giorgio Silfer, bazita sur lia verko “La spegulo de Velodajo”, eldonita precize antaŭ dudek kvin jaroj.
“Estis por mi mem interesa remalkovro, ĉar multaj jaroj pasis kaj mi perceptas en ĝi grandan simbolaron kiu meritas profundigon” diras la aŭtoro. Karakteriza por lia verko estas la uzo de terminoj pruntitaj el unu el la tri ciganaj lingvoj, nome la sintha.
La libro “La spegulo de Velodajo” fontis el la bildoj de Stella Agostini, kiu desegnis ilin pli frue por plej diversaj celoj. Mendebla ĉe la eldonejo, LF-koop, ankaŭ tra nia redakcio.
Aldonu komenton