HeKo 327 4-C, 31 mar 07
Ĵus aperis “Sentiments”, okminuta filmo en lumdisko (DVD), informanta pri Esperant(i)o el raŭmisma vidpunkto. Ĝi estis realigita de studentoj en la Belarta Altlernejo de Angulemo (Francio), neesperantistoj, kiuj pli rapide kaj pli bone komprenis raŭmismon ol ĉiuj finvenkistoj kalumniantaj ĝin en diversaj latitudoj.
La filmo estas en esperanto kun subtitoloj en la franca. Ĝi kombinas intervjuon al du esperantistinoj kun arkiva filmo el fama esperanta kulturcentro kaj pliaj scenoj, preparitaj de la studentoj mem. La tuto impresas freŝe kaj pozitive. La filmo povas ricevi subtitolojn en kiu ajn lingvo.
La Kapitulo de la Esperanta Civito estas ekzamenonta la eblecon disvastigi “Sentiments” por subteni la informadon pri Esperant(i)o.
Aldonu komenton