Parlamenta sesio unuafoje en Afriko
La Konsulo de la Esperanta Civito kunvokis la ordinaran parlamentan sesion al Lomeo (Togolando), 29-30 decembro 2010, kadre de la Jubilea Afrika Kongreso en Esperanto. La detaloj pri la horaro kaj la tagordo estos komunikitaj al la parlamentanoj laŭreglamente. El la du branĉoj de la Parlamento, unue kunvenos la Senato kaj due la Forumo.
La Senato kunvenos ne nur en Afriko, sed ankaŭ alian fojon, printempe aŭ somere, en eŭropa urbo. La kunvoko estos anoncita laŭreglamente.
Unuafoje do la unusola parlamento demokratie elektita de la esperanta popolo kunvenos en Afriko: ĝis nun la plej alta agnosko pri la graveco de tiu kontinento en Esperantio.
[HeKo 419 7-C, 20 jan 10]