El Roterdamo finofara bato por "Fonto"
Claude Nourmont Moon, vicprezidantino de UEA, skribis en "La Ondo de Esperanto" (1:2007, p. 14) ke: "Fonto" ne malaperas, sed nur paŭzas, kaj estas studata reaperiga plano.
Tamen ĝuste el Roterdamo venis la finofara bato kontraŭ "Fonto": la ekskluziveco por la aperigo de la verkoj premiitaj en la Belartaj Konkursoj, antaŭe ĉe "Fonto", estis ĵus donita al usona entrepreno, kiu aperigos (unu fojon jare) literaturan revuon. Laŭ la eldonejo, UEA eĉ promesis financi nerekte la revuon.
La mecenateco de UEA en literatura kampo estas salutinda novaĵo, kvankam (aŭ eble ĉar?) ĝi signifas la definitivan entombigon de "Fonto".
[HeKo 322 1-A, 26 jan 07]
