Rekorda junio por nia retejo
En junio 2007 (30 tagoj) unuafoje www.esperantio.net superis la nombrojn de dek mil individuaj vizitoj kaj dek tri mil vizititaj paĝoj. Ambaŭkaze temas pri preskaŭ la duoblo kompare kun majo (31 tagoj).
La rekorda kresko estas des pli atentinda, ĉar la retejo de la Esperanta Civito nek havas ligojn al eksteraj retpaĝoj nek proponas fotojn aŭ forumojn: la atuto de www.esperantio.net estas la regule aperanta retagentejo HeKo.
Tion konfirmas fonto proksima al la Vickonsulo pri informado kaj kulturaj aferoj: "la rekorda sukceso premias unuavice la seriozecon de la redakcio de HeKo; speciale ĝi premias la strebon esprimi la vidpunkton de ĉiu partio, okaze de raporto pri politika diskuto aŭ strategia diverĝo."
[HeKo 333 5-C, 2 jul 07]
