Trankvila internacia kongreso de la Naturamikaro
Naturfreunde Internationale havis ĉi-semajnfine sian kongreson, kiu fakte disvolviĝis nur kiel kelkhora telematika asembleo, tamen kun rezolucioj kaj efektiva debato. La kolektivan membron Esperantan Naturamikaron reprezentis nia delegito, c-ano Giorgio Silfer.
La kongreso renovigis la gvidajn instancojn preskaŭ senŝanĝe. En la kerno de la diskuto estis la financa relanĉo de NFI: la delegito de ENa sukcesis aprobigi amendon kiu evitas diskriminacion malfavore al la plej malgrandaj federacioj.
Laŭ procedura rimarko de la aŭstra federacio, estis prokrastita al alia kongreso aŭ konferenco la decido pri novaj aliĝoj kaj ŝanĝo de statuso.
Rilate al la politika debato, la plej interesa rezolucio estis tiu proponita de la italaj naturamikoj pri Amazonio: ĝi meritus esti transprenita kaj aprobita ankaŭ de la Senato de la Esperanta Civito.
[HeKo 748 9-B, 28 nov 20]
