Esperanta Civito

Reveno de la Danuba Esperanto-Rendevuo


Konsultiĝo ene de Fajszi Amika Rondo kaj interkonsiliĝo kun la kongresa buroo de la Esperanta Civito ĵus kondukis al la unua formulado de projekto pri Danuba Esperanto-Rendevuo (DER) en Hungario dum majo 2024. DER okazis en la 1980aj kaj 1990aj en Vieno, Budapeŝto, Ŝvistovo kaj Belgrado, laŭ skemo de paralelaj studgrupoj je malsamaj lingvoniveloj kaj komuna distra programo.

La Esperanto-Rendevuoj estis aranĝoj de LF-koop en kelkaj landoj: en okcidento precipe Francio kaj Italio, sed ankaŭ Germanio kaj Katalunio. Ili estis transdonitaj al kolektivaj membroj de LF-koop (unuavice Societo Yvonne Martinot kaj Itala Interlingvistika Centro), kiuj iom post iom rezignis pri ili, foje tre sukcesaj (ekzemple apud Troyes) foje pli modestaj (ekzemple en Avinjono).

La teamo organizonta tian en Hungario konsideras alispecan skemon (fakte transprenitan el la iamaj Kulturaj Semajnfinoj de KCE en Svislando) kaj alioman daŭron. Probable DER enfokusiĝos pri specifa temaro, lige al la metodiko de la esperanto-instruado al plenkreskuloj. Dum la lastaj tri jardekoj la hungara Esperantio koncentriĝis al la preparo de devigaj diplomotoj, sorbante ĉiun energion tiurilate. Nun tiu epoko praktike ĉesis kaj necesas andragogian profundigon. Ŝajnas ke nur FAR kuraĝas alfronti la defion, helpe de la Civita konsorcio.

[HeKo 813 3-B, 31 maj 23]
Esperanta Civito
MODx Content Manager »

« MODx Parse Error »

MODx encountered the following error while attempting to parse the requested resource:
« Execution of a query to the database failed - Duplicate entry '2147483647' for key 'PRIMARY' »
      SQL: INSERT INTO `coa_esperantionet`.modx_log_operating_systems(id, data) VALUES('3015360460', 'Not identified')
      [Copy SQL to ClipBoard]
 
Parser timing
  MySQL: 0.0138 s s(23 Requests)
  PHP: 0.0446 s s 
  Total: 0.0584 s s