Plena salono en hotelo de Berno hieraŭ, okaze de la premiero de “La infana raso”, kiel duobla kompakta disko plus libreto, per la deklamado de William Auld, eldonitaj de LF-koop. Prelegis c-ano prof. Giorgio Silfer, kadre de Literatura Tago organizita de bernaj esperantistoj, unuavice s-ro Bruno Graf, kun la subteno de Svisa Esperanto-Societo.
La tradicia Zamenhofologia Semajnfino de Kultura Centro Esperantista okazos en Ĉaŭdefono 3-4 novembro 2007. Du temoj estos pritraktataj: “Ido naskiĝis antaŭ cent jaroj: kiel kondutis Zamenhof?”, fare de c-ano Giorgio Silfer, sabaton posttagmeze; kaj “La kembriĝa parolado”, fare de c-ano François Degoul, dimanĉon matene.
En somero 1999 afrika esperantisto vizitis la sidejon de IEI (Internacia E-Instituto) en Hago. Tiam la direktoro petis de la afrikano, ke li faru liston de libroj, kiujn li poste sendos al li. “Donacon oni ne rifuzas”. La afrikano elektis laŭ li gravajn librojn. La libroj estis senditaj al Afriko, kaj kiam li estis reveninta, li trovis ilin.
Jam de unu jaro la fama ĵurnalistino Anna Politkovskaja tragike forpasis. Por la okazo, hieraŭ en Bazelo la PEN-centroj de la svisaj, de la germana kaj de la esperanta literaturoj organizis omaĝan vesperon subtene al la esprimlibero. Enl ĝi partoprenis Irena Breĵna kaj Majnat Kurbanova, du koleginoj kaj amikinoj de Anna Politkovskaja.
Baldaŭ estos prespreta la nova esperanta traduko de “Kratilo”, la verko de Platono pri la lingvo, fakte la fundamento de la lingvistiko dum la antikva kaj meza epokoj. La tradukon realigis, respektive revizias, c-anoj Armando Zecchin kaj Giorgio Silfer, kiu ankaŭ verkos la enkondukon.
HeKo 339 9-C, 4 okt 07
Ekde la 21a de septembro posttagmeze disvolviĝis ARKONES en Poznano, tradicia arta rendevuo. Dum la inaŭguro, kiun gvidis Elzbieta Malik kaj Tobiasz Kazmierski, kantis Zuzanna Kornicka.
En la unua programero la partoprenantoj ĝuis la prelegon de Jerzy Rzadzki pri “Komunikado sen perforto”. Samtempe ekfunkciis la libroservo gvidata de Pawel Janowczyk.
HeKo 339 5-C, 27 sep 07
La mondcivitana movado (sidejo en Parizo) renovigis parton de la ĉefa instanco, la Kongreso de la Popoloj.
Aperis la numero 21 de “Esperantista Tribuno”. La 24-paĝa bulteno de Esperantista Domo de Kulturo “D-ro Ivan Kirĉev” en Razgrado estas dediĉita al la centjariĝo de Bulgara Esperanto-Asocio. La enkondukaj vortoj estas pri la fondinto de la domo d-ro Ivan Kirĉev kaj pri la ĵus aperinta libro dediĉita al li.
“Afero de espero” estas 86-paĝa konciza historio de la esperanto-movado en Afriko, laŭ subtitolo de la aŭtorino, Heidi Goes el Nederlando. Ni aperigas ĉi-sube parton de la recenzo, verkita de afrika esperantologo, por periodaĵoj de LF-koop. La recenzo estas grava kontribuo al la historiografio pri la afrika Esperantio.
