Kataluna Esperanto-Asocio, prezidata de s-ro Oscar Puig, situas inter la sescento da establoj kiuj subskribis manifeston de malaprobo pri la verdikto de la Plejsupra Tribunalo de Hispanio kontraŭ la sociaj kaj politikaj gvidantoj de Katalunio, kaj pli vaste kontraŭ la tuta kataluna socio.
La Novjara Renkontiĝo de Esperanto-Land en Wiesbaden (Germanio) gastigos la mondan premieron de “Gvendalina la blanke-brova”, per la interpreto de la aŭtoro. Pro la dimensio de la aranĝo bedaŭrinde Giorgio Silfer rezignos pri la uzo de kasteledo.
Kultura Centro Esperantista reprezentis nian lingvon pere de c-ino Lorena Bellotti, en la konferenco de la Asocio de Lingvotestistoj en Eŭropo, ĵus okazinta en Labako. La subsidueco de la Esperanta Civito plenumiĝis en la gastigado fare de la prezidantino de la Slovena PEN-Centro, en tre bonaj rilatoj kun la Esperanta.
La verko de Zbigniew Galor kaj Jukka Pietiläinen “UEA en konscio de esperantistoj” (2015) entenas plurajn erarojn. Bazite sur enketa analizo okazinta en 2009, post dek jaroj ĝi montras la profundajn mankojn de tiu analizo. La mankoj rezultas el malsufiĉa kono kaj pri iuj nuntempaj fenomenoj (unuavice la Esperanta Civito) kaj pri la historio de la esperantlingva komunumo. Bedaŭrinde prof.
Ĝis nun la medio de la Junulara neniel komentariis aŭ eĉ provis influi la okazantan referendumon pri la eventuala aŭtomata aliĝo al TEJO de ĉiu persono malpli ol 35-jara, havanta la esperantan civitanecon. Eĉ la afrika TEJO-estrarano, kiu havas la civitanecon, tute silentas (kvankam li kandidatas al la Senato ene de la Blanka Listo).
La Esperanta Civito luis la oktobran numeron (2301) de “Heroldo de Esperanto”, okaze de la Senataj elektoj kaj la enketaj referendumoj (pri salutvorto kaj pri aniĝo al TEJO). La novembra (2302) atingas la abonantaron tute akurate, kun la kutime varia informaro.
La atenton pri Roterdamo plu kaptas la administra krizo de la Universala. Tamen la krizo estas ne nur financa: ĝi envolvas la organizan modelon de la Asocio kaj specife dependas de la kulturpolitika strategio de UEA.
HeKo 720 7-C, 3 nov 19
Estas okazantaj la balotoj por la elektoj de la Senato de la Esperanta Civito (2020-24) kaj por du referendumoj. Pri ĉiuj voĉdonadoj la skrutinioj disvolviĝos la 15an de decembro 2019.
La pasintan aŭguston Universala Esperanto-Asocio akceptis la peton de “El Popola Ĉinio”, kiu proponis kuneldoni “Unesko-kurieron” en esperanto. La mono venos de la ĉina registaro kaj UEA ne plu zorgos pri la kosto.
La sponsorado de la (ankoraŭ grandparte) komunisma Ĉinio ne ŝajnas forigi la bezonon de pliaj privataj sponsoroj, laŭ ĵusa alvoko el Nieuwe Binnenweg.
Esperanta Naturamikaro ricevis la inviton okupiĝi pri granda naturamika domo en Alta Italio (kvardeko da litoj). La domo situas en bela parko, apud turisme grava urbo. Necesas personaro (kiu estus normale salajrata) kaj ne enorma komenca kapitalo.
La tria semajno de oktobro estas dediĉita al la esperanto-bibliotekoj. Ĉi-jare la plej grava el ili organizis en Vieno simpozion pri planlingvoj kaj lingvoplanado, okaze de la 90a datreveno de la fondo.
La 6a Lingva Kolokvo de Kultura Centro Esperantista okazos en Ĉaŭdefono, 30 aprilo–3 majo 2020, pri la ĉeftemo: “Plena Ilustrita Vortaro 1970-2020: kvindek jaroj da vivanta lingvo?”
