Heroldo Komunikas | Heroldo Komunikas

Ĉu la balotmalsano de UEA kontaĝis TEJOn?

HeKo 678 5-A, 1 maj 18

Tutmonda Esperantista Junulara Organizo travivas nefacilan momenton je sia gvida nivelo. Same kiel Universala Esperanto-Asocio ĝi perdis kernan estraranon ﬁne de 2017 (la prezidanton mem, dum por UEA temis pri la ĝenerala sekretario), kaj same kiel UEA ĝi klopodis anstataŭigi lin kaj aldoni novajn estraranojn.

Literaturaj kafejoj ĝis jarfino 2018 en Budapeŝto

HeKo 678 4-B, 29 apr 18

Post la sukcesa aprila 46a Literatura Kafejo en Budapeŝto, kie gastis la kroata aŭtoro kaj eldonisto Josip Pleadin, la fondumo Fajszi Amika Rondo ĝojas anonci la programon planatan ĝis la ﬁno de 2018.

Éva Tófalvy gastos pri sia lasta libro, dediĉita al Sándor Szathmári, 17 majo 2018. Bonvenigos ŝin d-ro Balázs Wacha.

Kreskas la stabo de Civila Esperanta Servo

HeKo 678 3-C, 27 apr 18

Atingis dekon da homoj la amplekso de Civila Esperanta Servo. La stabo konsistas el tri niveloj: du majstroj, tri pacistoj kaj kvar rekrutoj. Super ili situas komisaro, nomata de la Konsulo de la Esperanta Civito. Entute kvin viroj kaj kvar virinoj, plejparte kun la hispana kiel ĉefa eduklingvo; sed ĉiuj parolantaj esperanton, je diversaj niveloj (de A1 ĝis C2).

Renovigado de apartamento en la domo de KCE

HeKo 678 2-C, 25 apr 18

La malgranda apartamento Feria, sur la dua etaĝo de la Esperanto-Domo en Ĉaŭdefono, estis komplete renovigita zorge de fondumo Pro Esperanto kiel regio, dum aprilo 2018. La renovigo inkluzivis la kompletan ŝanĝon de la pargeto en la dormoĉambro kaj diversajn riparojn.

La apartamento estas rezervita al luado fare de eksteraj gastoj, kadre de la asocio “Neŭŝatela Turismo”.

Malbeno super libro de Fernando de Diego

HeKo 678 1-B, 23 apr 18

Kiam en 1996 “Heroldo de Esperanto” estis vendita al Itala Interlingvistika Centro, kun ĝi necesis aĉeti kaj pagi kontante kvar lernolibrojn. Temis pri esperanto-gramatikoj por ital-, franc-, german- kaj hispanlingvanoj.

Retbalotado kaosas en UEA

HeKo 677 9-A, 22 apr 18

La interna demokratio en Universala Esperanto-Asocio, per si mem fragila, glite stumblis en la ĵusaj retbalotadoj por alelekti du suplementajn estraranojn. La unua baloto estis nuligita pro teknika problemo, tamen la ripeto enkondukis pliajn problemojn. La buĝetitaj cent mil eŭroj por krei la plej potencan retan sistemon en la mondo ĝis nun produktis preskaŭ nenion.

Pacifisma poemo de Nazim Hikmet ankaŭ en esperanto

HeKo 677 8-B, 21 apr 18

La Turka PEN lanĉis tradukoĉenon por la poemo “Kiz çocuĝu” de Nazim Hikmet verkita en 1956. Probable la epoko koincidas kun la vizito de la poeto en Prago, kiam li havis kontakton kun la esperanto-teatro, kiel atestas “Historio de la esperanta literaturo” de c-anoj Carlo Minnaja kaj Giorgio Silfer.

"La sonorilo de Bled" prezentita en Bledo

HeKo 677 7-B, 20 apr 18

Plena salono en la publika biblioteko de Bledo, kie alestis ankaŭ Lia Urbestra Moŝto, okaze de la prezento de la romano “La sonorilo de Bled”. Partoprenis multaj geesperantistoj el diversaj urboj de Slovenio (sed ne Zlatko Tiŝljar, laŭ informo grave malsana) kaj pluraj lokaj loĝantoj.

Nobel-laŭreato Ŝirin Ebadi favoras esperanton

HeKo 677 6-B, 19 apr 18

La irana advokatino Ŝirin Ebadi, kies esperantigita parolado okaze de la Pac-Nobelo aperis en la revuo “Femina”, estis la ĉefa gastino hodiaŭ matene ĉe la 50a Internacia PEN-Renkonto en Bledo (Slovenio).

Silfer ne subskribas PEN-rezolucion pri Hungario

HeKo 677 5-B, 18 apr 18

Dum la asembleo de la PEN-Komitato pri Verkistoj por Paco, ĵus okazinta en Bledo, la franca centro proponis, kun la konsento de la slovena komitatestro, rezolucion pri la situacio en Hungario. La propono enhavis pezan atakon kontraŭ premiero Viktor Orbán, kies politiko kaj lastatempaj ksenofobiaj asertoj tanĝis faŝisman sintenon.

Conde Rey nova prezidanto de LF-koop

HeKo 677 4-B, 17 apr 18

Laŭ decido alprenita de la ĝenerala Asembleo antaŭ tri jaroj, post c-ino Perla Martinelli la kooperativon prezidos c-ino Marie-France Conde Rey, por la mandato 2018-20.

Sen Rodin kabeas pro UEA-silento pri Gazao

HeKo 677 3-A, 16 apr 18

La itala prozisto Sen Rodin (pseŭdonimo de Filippo Franceschi) anoncis publike sian kabeiĝon, per ĉi tiu komuniko:

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.