Heroldo Komunikas | Heroldo Komunikas

Literatura kafejo en Budapeŝto kun la paro de Sezonoj

HeKo 682 2-B, 15 jun 18

La venontan monaton, precize la 19an de julio, ges-roj Halina Gorecka kaj Aleksander Korĵenkov gastos ĉe la orienta legacio de la Esperanta Civito en Budapeŝto, por prezenti sian lastan verkon: “Nia diligenta kolegaro”. Bonvenigos sen. Anna Bartek, vicprezidanto de Fajszi Amika Rondo. Kiel kutime la literaturan kafejon aŭspicios Esperanta PEN-Centro.

Danke al TEJO, speciala julia numero de Heroldo

HeKo 682 1-B, 14 jun 18

La julia numero de “Heroldo en Esperanto” (2286, 7:2018) kuŝas jam en la presejo, kaj estos duoble pli vasta.

Unu UEA-ano el naŭ ne superas 35 jarojn

HeKo 681 9-A, 13 jun 18

La ĵus diskonigita estrara raporto pri 2017 konturigas pli precize la internan situacion de Universala Esperanto-Asocio.

Ĉu debato pri politikaj temoj igos TEJOn perlingva organizo?

HeKo 681 8-A, 12 jun 18

La publikrilataj kontaktoj de Tutmonda Esperantista Junulara Organizo, specife tiuj kadre de la junularaj organizoj partnerantaj en forumoj de eŭropaj institucioj, pelas TEJOn malfermi debaton por precizigi propran pozicion pri politikaj temoj. Tio povas transformi la asocion de principe porlingva al perlingva, kia estas ekzemple Sennacieca Asocio Tutmonda.

"Historio de la Akademio de Esperanto" fine ekpresata

HeKo 681 7-A, 11 jun 18

Dek ok monatojn post la anonco pri la ﬁnverkado de la manuskripto la aŭtoro, prof. d-ro Carlo Minnaja, ﬁnﬁne ĝojas anonci la liveron al itala presejo: “Historio de la Akademio de Esperanto” pretos por premieri okaze de la Universala Kongreso en Lisbono.

Literatura Foiro 293: danteska sed bunta

HeKo 681 6-B, 10 jun 18

Akurate aperas, kiel kutime, ankaŭ la junia numero (293) de “Literatura Foiro”, kies kovrilo honoras la esperantigon de “Infero” de Dante Alighieri, fare de Kálmán Kalocsay (1933).

Borsa analizo de Esperantio - majo 2018

HeKo 681 5-C, 8 jun 18

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Granda administra subvencio por TEJO

HeKo 681 4-A, 7 jun 18

La vicprezidanto de Tutmonda Esperantista Junulara Organizo, d-ro Francesco Maurelli, ĵus anoncis ke TEJO ricevos grandan administran subvencion dum tri jaroj, fare de instanco en Eŭropa Unio. Temas pri ĉ. 45.000 eŭroj, per kiuj eblos dungi tri plentempajn oﬁcistojn jare (kontraŭ unu kaj duono ĝis nun).

La angla malpermesata kiel ekskluziva instrulingvo

HeKo 681 3-A, 6 jun 18

Instrui nur anglalingve en itala universitato “ekstermetus plene kaj senjuĝe la oﬁcialan lingvon de la Respubliko el la akademia studado de tutaj fakoj” kaj “altrudus, antaŭkondiĉe al la kursaliro, la posedon de alia lingvo ol la itala, tiel malhelpante, en malesto de adekvataj trejnaj subtenoj, al tiuj kiuj, kvankam kapablaj kaj meritaj, ne scipovas ĝin, atingi la plej alt

Pretas la junia numero (2285) de Heroldo

HeKo 681 2-B, 5 jun 18

Jam arkivebla estas la unua duono de la jarkolekto 2018 de “Heroldo de Esperanto”, zorge de KCE, dum ankoraŭ mankas pli ol duono de la jarkolekto 2017, pri kiu devas zorgi Lexus ĉe siaj klientoj.

Feminisma Esperanta Movado asembleos en Svislando

HeKo 681 1-B, 4 jun 18

La ordinara Asembleo de Feminisma Esperanta Movado estas kunvokita al Ĉaŭdefono, ĉe la Esperanto-Domo en Svislando, por la 13a de julio 2018.

Poliglote apogi sin sur la esperanto-mondo

HeKo 680 9-B, 3 jun 18

Finiĝas hodiaŭ en Bratislavo la 5a Polyglot Gathering, kurioza kaj interesa festivalo de homoj parolantaj plurajn lingvojn, kun partopreno de sescento da personoj, el kiuj ĉirkaŭ kvarono iagrade scipovas ankaŭ esperanton.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.