La 332a numero de Literatura Foiro (decembro 2024) uverturas per pensiga kaj poezia kontribuo de Luigi Minnaja, Pacon, Sinjoro! Sekvas la Nobel-premia artikolo de Helmi Martikainen, kun elokventaj vortoj portretinta Han Kang, sudkoreinon kies beletra talento kapablis prezenti al la mondo temojn, stilon kaj riĉon de la propra literatura tradicio.
HeKo 859 9-C, 28 dec 24
La delegoj asignitaj de Konsulo Riichi Karibe revenas al la nova Konsulo. Du gravaj oficoj koncernas la redaktadon de “Heroldo komunikas” (HeKo), laŭ la artikolo 27 de la Konstitucio, sub la imprimaturo de la Konsulo aŭ lia delegito, kaj la prezidon de la Lingva Komitato de Esperantio.
HeKo 854 8-C, 26 dec 24
Fine de mia mandato kiel Konsulo mi deziras danki kaj bondeziri al ĉiuj helpintaj kaj helpantaj la progreson de la Esperanta Civito.
Riĉa programo estas preparata por la 14a Kultura Esperanto-Festivalo, organizata de STELO kaj KCE en Ĉaŭdefono, 28 julio — 3 aŭgusto 2025. Nature oni atendas konfirmojn, sed almenaŭ pri la festivalejo estas certeco: temos pri la Esperanto-Domo de KCE, la antikva templo en Loklo, la pupteatro La Turlutaine en Ĉaŭdefono.
HeKo 854 6-C, 23 dec 24
Konsulino Lorena Bellotti jam proponis delegojn por diversaj membroj de la Kapitulo, novaj aŭ malnovaj. Ŝi decidis konfirmi tri elirantajn vickonsulojn: sen. Manuela Blanco pri la internaj aferoj, sen. Miroslava Kirova pri la socialaj, c-ano Giorgio Silfer pri la financaj; tamen kun iom alimaniere dozitaj respondecoj.
HeKo 854 5-C, 22 dec 24
La paktintaj establoj iom post iom komunikas siajn novajn delegitojn ĉe la Forumo, la pariteta branĉo de la Civita Parlamento. Ili ekoficos okaze de la inaŭgura parlamenta sesio en Malago, 31 marto 2024. Se ĵus elektite al la Senato kaj ne komunikinte jam sian preferon, la malnovaj forumanoj oficos ĝis la dua tagordero (la unua estas la ratifo pri la rezultoj de la skrutinioj).
HeKo 854 4-C, 21 dec 24
Ekde la nova parlamenta mandato ankaŭ la konsilio de fondumo Pro Esperanto renoviĝos, konforme al Lex Argentaria. La renovigo antaŭvidas la alelekton de sen. Lorena Bellotti kaj la eksiĝon de c-ano Carmine Dello Spedale. Restos c-anoj Pierre Berger kaj Giorgio Silfer, ĉi-lasta kiel prezidanto aŭ kiel prokuristo.
Elektantoj enskribitaj en la Civitana Registro: 82.
Voĉoj entute: 24, el kiuj 23 validaj.
Voĉoj laŭ la listoj: Verda 4, Blanka 19.
Bellotti 2, Gbeglo 2, Batuseka 1, Blanco 1, Martinelli 2, Nimubona 2.
HeKo 854 3-C, 19 dec 24
Elektantoj enskribitaj en la Civitana Registro: 32 (29 en 2019).
Voĉoj entute: 14 (14 en 2019), el kiuj 14 validaj.
Voĉoj laŭ la listoj: Verda 13, Blanka 1.
Fajszi Amika Rondo informas ke, post februaro 2025, ne plu eblos diplomiĝi pri esperanto ĉe la institucio en strato Rigó, Budapeŝto. La institucio (entrepreno dependa de Universitato ELTE) jam likvidis la rilatojn kun Universala Esperanto-Asocio kaj nun ĉesigas ankaŭ siajn ekzamenojn pri esperanto.
Ĵus reveninte el Burundio, c-ano Giorgio Silfer partoprenis en eksterordinara Asembleo de la Naturamika Internacio, kiu bezonas urĝe aprobi kelkajn novajn statuterojn por kongruigi sian fundamentan normon al la postuloj de aŭstria leĝo.
HeKo 853 9-C, 17 dec 24
Post la skrutinioj komunikitaj de dek balotejoj (inkluzive de tri subbalotejoj) el dek, jen la definitiva rezulto de la elektoj al la Senato de la Esperanta Civito, 15 decembro 2024.
